3Doodler, yaradıcı insanların ehtiyaclarını daha yaxşı qarşılaya bilən 3Doodler PRO+ adlı yeni modeli ilə gündəmdədir.
3Doodler PRO+, memarlıq layihələrindən sənət əsərlərinə qədər hər cür yaradıcı istehsal prosesini nəzərə alınaraq yenilənmiş bir 3Doodler modelidir. 3Doodler PRO-ın ən vacib yeniliyi, 65 yeni material ilə şəkil çəkmək bacarığı idi. Bu materiallar metal, taxta, neylon, PC (polikarbon), ABS, FLEXY kimi əsas qruplar altında toplanmışdı. İkili sürücülü sistemi vasitəsilə plastik filamenti mis, bürünc, neylon və ya taxta kimi digər materiallarla qarışdıraraq 3Doodler PRO+ ilə çəkmək mümkündür.
Yeni 3Doodler əvvəlki modeldən daha təkmilləşdirilmiş bir ekrana sahibdir. Bu ekranda seçilmiş materiallar üçün sürət və temperatur parametrləri qoyula bilər. Bu, istifadəçinin qələmlə bir şey düzəltməsini asanlaşdırır. Bundan əlavə, qələm əvvəlki modeldən 50 faiz daha incədir. Ergonomik dizayn havada rəsm çəkərkən daha yaxşı dəqiqlik əldə etmək üçün yaradılmışdır. Qələm 250 dollara satılır.
Yeni qələmlə əvvəlki versiyalardan daha uzun müddət fasiləsiz işləyə bilərsiniz. Bu qələmdən 30 dəqiqə istifadə etmək mümkündür. 30 dəqiqədən sonra 2 dəqiqə qısa bir fasilədən sonra yenidən qələmlə işləməyə davam edə bilərsiniz. İşləyərkən qələmdən istifadə etmədiyiniz zaman yuxu rejiminə keçmədən əvvəl 15 dəqiqə boş qala bilər.
Daha çox
Texnologiya
kateqoriyasından
