Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Dünyanın ilk AI əsaslı oyuncağı "CosmoCat" satışa çıxdı
"SamSam" brendinin innovativ məhsulu olan "CosmoCat", uşaqların inkişafına dəstək olmaq üçün yaradılıb. 30-dan çox dili dəstəkləyən oyuncaq, Azərbaycan dili də daxil olmaqla, müxtəlif funksionallıqlara malikdir.
"Google Chrome" üçün inqilabi yenilik!
"Google Chrome" təhlükəsizlik sahəsində inqilabi bir xüsusiyyətin testlərinə başlayıb. Yeni funksiya cihazdakı süni intellekt modeli vasitəsilə veb-saytları analiz edərək istifadəçilərin şəxsi məlumatlarını oğurlamaq istəyənləri müəyyən etmək üçün nəzərdə tutulub. Xüsusiyyət böyük dil modelləri (LLM) sayəsində veb-saytların marka və niyyətlərini təhlil edir və təhlükəli halları əvvəlcədən aşkarlayır.
"Amazon" işçilərindən etiraz!
ABŞ-də "Amazon"un anbar işçiləri iş şəraiti ilə bağlı tələblərinin rədd edilməsi səbəbindən 7 şəhərdə tətil elan edib. "Amazon"un danışıqlara yanaşmaması ittifaq rəhbəri Şon O’Brayan tərəfindən “şirkətin acgözlülüyü” kimi dəyərləndirilib. Teamsters Həmkarlar İttifaqının dəstəklədiyi 10 minə yaxın işçi, xüsusilə bayram alış-veriş dövründə əməliyyatların ləngiməsinə səbəb ola biləcək bu addımı atıb.
"Fortnite"da yenilik var!
"Fortnite" oyunu yeni və əyləncəli yeniliklərə ev sahibliyi edir. 19 dekabr 2024-cü il tarixində "Skibidi Toilet" və "Plungerman" adlı kostyumlar oyun mağazasında satışa çıxarılıb.
Kostyumlar barədə daha çox məlumat üçün "Fortnite"ın rəsmi səhifəsinə daxil ola bilərsiniz.
"Esports World Cup"da onlayn şahmat turniri keçiriləcək
Şahmat ilk dəfə "Esports World Cup" 2025-ə (EDK) daxil edilərək tarix yazır. Tədbir 31 iyul - 3 avqust tarixlərində Səudiyyə Ərəbistanının Riyad şəhərində baş tutacaq və şahmatçılar 1,5 milyon dollarlıq mükafat fondu uğrunda mübarizə aparacaqlar.
Daha çox
Daily
kateqoriyasından
