Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"ChatGPT"yə yeni imkanlar əlavə olundu
"OpenAI" "ChatGPT"yə səs rejimi, video və ekran paylaşımı xüsusiyyətlərinin əlavə edildiyini elan etdi. Bu yeniliklər istifadəçilərə süni intellektlə daha interaktiv təcrübə təklif edəcək. Şirkət bu açıqlamanı 12 günlük tədbirlərinin 6-cı günündə etdi. Yeni funksiyalardan istifadə etmək üçün ödəniş tələb olunur. Qeyd edək ki, səs rejimi artıq ekran və videoları real vaxtda izləyərək müzakirə etmə funksiyasını dəstəkləyir.
"Toyota" tam elektrikli "Urban Cruiser" modelini təqdim etdi
"Toyota" Avropa bazarı üçün yeni kompakt SUV modeli "Urban Cruiser"ı təqdim edib. 2025-ci ilin üçüncü rübündə satışa çıxarılacaq bu tam elektrikli avtomobil, əvvəlcə Böyük Britaniyada, daha sonra isə Avropanın digər ölkələrində əlçatan olacaq. 13 sm daha uzun olan "Urban Cruiser" sərt xətləri və LED zolaqla dəstəklənmiş müasir işıqlandırma dizaynı ilə seçilir.
"Xiaomi Civi 5 Pro"nun texniki xüsusiyyətləri ortaya çıxıb
"Digital Chat Station"un paylaşdığı məlumata əsasən, "Xiaomi Civi 5 Pro"nun texniki xüsusiyyətləri üzə çıxıb. Smartfon 1.5K ekrana malikdir və "Apple"ın "Dynamic Island" dizaynını xatırladan ön panel ilə təchiz ediləcək. Arxa panel "Redmi K80" modelinə bənzəyən dairəvi kamera quruluşuna və "Leica" imzalı telefoto linzaya sahib olacaq.
"Google Pixel" modellərinə batareya qoruyan yeni funksiya gəldi
"Google" "Android 15 QPR1" yeniləməsi ilə “Pixel” cihazlarına batareyanın ömrünü uzadan “Şarj Optimizasiyası” adlı funksiyanı təqdim edib. Bu funksiya telefonun batareyasını 80 %-ə qədər doldurduqdan sonra enerjini birbaşa şarj cihazından alaraq batareyanın zərər görməsinin qarşısını alır.
"Samsung Galaxy Book 5 Pro" təqdim olundu
"Samsung" süni intellekt dəstəkli yeni noutbuku "Galaxy Book 5 Pro"nu təqdim edib. "Intel"in yeni nəsil "Lunar Lake" prosessoru ilə təchiz olunmuş bu model 25 saata qədər batareya ömrü və “Dynamic AMOLED 2X” ekran texnologiyası təklif edir.
Daha çox
Daily
kateqoriyasından
