Tokioda dövlət işçiləri üçün 4 günlük iş həftəsi tətbiq olunacaq | Bu günün xəbərləri

Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!

Android telefonlarda rəqəmsal pasport saxlamaq artıq mümkündür

‍"Google Wallet" ilə rəqəmsal pasport saxlamaq imkanı təqdim edilib, lakin bu funksiyanın bəzi məhdudiyyətləri var. Hazırda bu xüsusiyyət yalnız ABŞ daxilindəki TSA nəzarət məntəqələrində istifadə oluna bilər. Beynəlxalq səfərlər üçün fiziki pasportunuzu hələ də yanınızda götürməlisiniz. Rəqəmsal pasport yalnız TSA məntəqələrində şəxsiyyət təsdiqi üçün istifadə edilə bilər və DMV, otel və ya bar kimi yerlərdə keçərli deyil. Bu yenilik texnologiyanın səyahət sahəsindəki istifadəsini artırsa da, hələ tam əvəzləyici həll deyil.

"28 Years Later" filmi iPhone 15 ilə çəkilib!

Zombi mövzusunda çəkilən məşhur "28 Years Later" filminin treyleri təqdim edildi. Qeyd olunub ki, filmin çəkilişi tamamilə “iPhone 15” cihazı ilə həyata keçirilib. Yeni film aktyor Aaron Taylor-Johnson və Cillian Murphy kimi məşhurları bir araya gətirir.

Tokioda dövlət işçiləri üçün 4 günlük iş həftəsi tətbiq olunacaq

Tokio hökuməti azalan doğum səviyyəsini artırmaq və ailələrə dəstək olmaq məqsədilə aprel ayından dövlət işçiləri üçün 4 günlük iş həftəsi tətbiq edəcək. Yeni sistem çərçivəsində işçilərə hər həftə üç gün istirahət veriləcək. Layihə işçilərin həm karyeralarını davam etdirməsinə, həm də ailələrinə daha çox zaman ayırmasına şərait yaratmağı hədəfləyir.

"YouTube"a yeni dublyaj funksiyası gəlib

‍"YouTube" uzun müddətdir gözlənilən avtomatik dublyaj funksiyasını istifadəyə verib. Artıq ingilis dilində yüklənən videolar fransız, alman, hind, italyan, ispan, indoneziya, yapon və portuqal dillərinə avtomatik olaraq tərcümə edilir. "YouTube" hazırda tərcümələrin tam təbii olmadığını etiraf etsə də, gələcək yeniləmələrlə dublyajın keyfiyyətini artırmağı planlaşdırır.

"Amazon" onlayn avtomobil satışına başladı

‍"Amazon" şirkəti "Amazon Autos" platforması ilə yeni avtomobillərin onlayn satışına start verib. İlk mərhələdə "Hyundai" markası ilə əməkdaşlıq edən şirkət, Nyu-York, Çikaqo və Los-Ancelesdə fəaliyyətə başlayıb.