on illər dünyada ən tələb olunan sahələrdən biri olan IT üzrə peşəkar kadrların hazırlanması istiqamətində mühüm addımlar atılıb. Bu sahədə Azərbaycanda mühüm bir yenilik olan #codeforfuture təqaüd proqramı, 2021-ci ildən başlayaraq minlərlə tələbəyə öz gələcək karyerasını formalaşdırmaqda dəstək oldu.
Proqram Azərbaycan Respublikası Elm və Təhsil Nazirliyi ilə Code Academy-nin birgə əməkdaşlığı çərçivəsində həyata keçirildi və nəticədə Code Academy ölkədə xüsusi təhsil lisenziyası alan ilk özəl tədris müəssisəsinə çevrildi. Proqram çərçivəsində universitetlərdə tədris mərkəzləri yaradıldı və tələbələrə nəzəri bilikləri praktiki bacarıqlarla birləşdirmək imkanı təqdim edildi.
2021-2022 tədris ilindən etibarən proqrama Azərbaycan Respublikası Rəqəmsal İnkişaf və Nəqliyyat Nazirliyi də dəstək verərək onun əhatə dairəsini daha da genişləndirdi. Ümumilikdə proqrama edilən 2308 müraciət seçildi və bu tələbələr müxtəlif universitetlərdə təşkil olunan tədris proqramlarında iştirak etdilər.
Tədris proqramları çərçivəsində iştirakçılar proqramlaşdırma, kibertəhlükəsizlik, AutoCAD, 3ds Max, Solidworks və digər aktual IT biliklərinə yiyələnərək həm beynəlxalq, həm də Code Academy sertifikatları qazandılar. Bu sertifikatlar tələbələrin müasir iş dünyasının tələblərinə uyğun peşəkar bacarıqlar əldə etməsinə şərait yaratdı.
Sorğu nəticələrinə görə, proqrama qatılan tələbələrin 100 %-i bunu başqalarına da tövsiyə edib. Əlavə olaraq, proqram tamamilə ödənişsiz olduğu üçün qeyd olunan universitet tələbələri bu fürsətdən yararlana bilib.
Universitetlər üzrə tədris proqramları belə bölüşdürülüb:
- Lənkəran Dövlət Universiteti və Sumqayıt Dövlət Universiteti: Proqramlaşdırma və IT Specialist
- Bakı Dövlət Universiteti və Azərbaycan Texniki Universiteti: Proqramlaşdırma və Kibertəhlükəsizlik
- Azərbaycan Memarlıq və İnşaat Universiteti: AutoCAD, 3ds Max, Solidworks, Proqramlaşdırma
- Gəncə Dövlət Universiteti: IT Specialist
Bu proqram IT sahəsində yerli kadrların yetişdirilməsi və əmək bazarına uğurla daxil olması baxımından Azərbaycan təhsil sistemində yeni bir səhifə açdı. Proqramın uğurlu nəticələri gələcəkdə daha çox universitet və tələbəni əhatə edəcək genişlənmə planlarının həyata keçiriləcəyini göstərir.
Daha çox
Texnologiya
kateqoriyasından
