D
onald Trump "TikTok"un satışı üçün Çinə məxsus "ByteDance" şirkətinə 75 gün əlavə vaxt tanıdı. ABŞ qanunlarına əsasən, "TikTok"un ya ölkədəki əməliyyatları satılmalı, ya da tətbiq tamamilə qadağan edilməli idi.
Hazırda "Amazon", Frank McCourt, Kevin O’Leary və "Reddit"in qurucusu Alexis Ohanian kimi adlar potensial alıcılar sırasındadır. Trump administrasiyası danışıqların davam etdiyi zamanda Çin mallarına yeni vergi tariflərini elan etdi və bu, prosesə mənfi təsir göstərdi. Trump isə "TikTok"un bağlanmasını istəmədiklərini bildirərək, razılaşma üçün daha çox vaxta ehtiyac olduğunu vurğulayıb.
