Xbox”un sahibi Phil Spencer “Kinda Funny”yə verdiyi müsahibədə bəzi vacib açıqlamaları ilə yadda qalıb. Spenser düşünür ki, çox yaxşı oyunların çıxmasına baxmayaraq, “Xbox”un konsollar arasındakı yeri dəyişməz olaraq qalacaq.
Məşhur iş adamı YouTube-da yayımlanan müsahibəsində “Sony” və “Nintendo” kimi oyun konsollarında adı çəkilən tanınmış şirkətlər haqqında da mühüm açıqlamalar verib.Spenser, “Xbox”un ən böyük rəqibləri olan “Sony” və “Nintendo”nu konsollar mövzusunda üstələməyə çalışmadığını və buna nail ola bilməyəcəyini ifadə edib: “Sony və ya Nintendo-nu ötmək kimi bir missiyamız yoxdur. Bu məsələdə biz heç bir həll və ya qələbə də görmürük”.
Spenserin fikrincə, “Starfield” kimi böyük oyunlar da bu vəziyyəti dəyişdirən deyil.
O bildirib ki, Microsoft “Xbox” sahiblərinin yaxşı təcrübəyə malik olması və onların ehtiyaclarının qarşılanması üçün böyük sərmayə qoyur. Buna baxmayaraq, o, ənənəvi konsol yarışında Sony və Nintendo-ya qalib gələ bilməyəcəyini etiraf edir. Şirkətin “Game Pass” və bulud oyunları kimi üstün xidmətlərə diqqət yetirməsi də bunu işarədir. Spenser əlavə edir ki, konsol hələ də “Xbox” brendinin özəyidir və “Microsoft” fərqli strategiyasına sadiq qalsa da, bu yöndə də diqqətini əsirgəmir.
Daha çox
Texnologiya
kateqoriyasından
