Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Tesla Model Y"nin yeni versiyası satışa çıxdı
"Tesla" 2020-ci ildə təqdim etdiyi "Model Y SUV"un ilk böyük yenilənmiş versiyasını təqdim edib. “Juniper” kod adı ilə hazırlanan bu model xüsusilə Çin və Asiya bazarları üçün nəzərdə tutulub.
"Google" müstəqil tərtibatçılar üçün yeni dəstək fondu yaradıb
"Google" "Chromium" infrastrukturunda çalışan müstəqil tərtibatçılara dəstək olmaq üçün "Linux Fondu" ilə əməkdaşlıq edərək xüsusi bir fond yaradıb. Bu layihə "Chromium" əsaslı yeni layihələrin inkişafını maliyyələşdirəcək.
Uzun videoları bir toxunuşla "Shorts"a çevirmək mümkün olacaq
"YouTube" məzmun yaradıcılarına uzun videolarının populyar hissələrini qısa kliplərə çevirmək imkanı verən yeni bir funksiya təqdim edir. Hazırda yalnız ingilis dilində məzmun yaradan istifadəçilər üçün əlçatan olan bu alət "YouTube Studio Desktop" üzərindən aktivləşdirilə bilər.
"CES 2025"də "Zotac Zone Gaming" prototipi təqdim olundu
"Zotac" şirkəti "CES 2025" sərgisində yeni nəsil oyun konsolu "Zone Gaming" prototipini nümayiş etdirdi. Cihaz AMD Ryzen AI 9 HX 370 prosessoru və RDNA 3.5 qrafik arxitekturasına əsaslanan Radeon 890M GPU ilə yüksək performans vəd edir.
Avropa Komissiyası Avropa İttifaqını cərimələyib!
Avropa İttifaqının ən yüksək məhkəmələrindən biri olan Ümumi Məhkəmə, Avropa Komissiyasını şəxsi məlumatların qorunması qaydalarını pozduğu üçün 400 avro məbləğində cərimələyib. Alman vətəndaşı Komissiyanın saytında konfransa "Facebook ilə giriş" seçimini istifadə edərkən, onun IP ünvanı və brauzer məlumatlarının "Meta" şirkətinə ötürüldüyü aşkarlanıb.
Daha çox
Daily
kateqoriyasından
