"Shift Up" şirkəti əməkdaşlarına "PS5 Pro" və 3400 dollar paylayıb! | Bu günün xəbərləri

Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!

"Samsung Galaxy S25 Ultra"ya aid olduğu iddia edilən görüntülər paylaşılıb

‍"Samsung Galaxy S25 Ultra"ya aid olduğu iddia edilən görüntülər internetdə yayımlanıb. Bir çox istifadəçi bu görüntülərin saxta ola biləcəyini və başqa bir model üzərində dəyişiklik edilərək ortaya çıxdığını iddia edib.

SOCAR-dan 7 milyard dollarlıq investisiya planı! 

‍"SOCAR Türkiyə" neft-kimya sahəsində təxminən 7 milyard dollar həcmində nəzərdə tutulan yeni investisiyası ilə bağlı layihənin təfərrüatını açıqlayıb. Bildirilib ki, "SOCAR Türkiyə" İstanbulda birgə mətbuat konfransı təşkil edib. Tədbirdə Azərbaycan Dövlət Neft Şirkətinin (SOCAR) Türkiyədə 17 illik fəaliyyətinə toxunulub və bu müddət ərzində 18.5 milyard dollardan çox sərmayə qoyduğu vurğulanıb.

Müəllifin sözlərinə görə, "OCAR Türkiyə" Azərbaycanla Türkiyənin ortaq strateji hədəflərinə uyğun olaraq enerji sahəsində strateji sərmayələrinə sürətlə davam edir.

"Toplantıda Türkiyənin "Master Plan" layihəsinə dair detallar ictimaiyyətlə paylaşılıb. Layihə çərçivəsində qarşıdakı illərdə neft-kimya sahəsində 7 milyard dollarlıq sərmayə planlaşdırıldığı vurğulanıb. "SOCAR Türkiyə" Neftayırma üzrə əməkdaşlıq bölməsinin rəhbəri Kənan Mirzəyev bildirib ki, artıq detallı mühəndislik işlərinə keçilir və bunun təxminən 18-24 ay davam edəcəyi gözlənilir. Bundan sonra layihənin yekun qərar mərhələsinə başlanacaq".

"Shift Up" şirkəti əməkdaşlarına "PS5 Pro" və 3400 dollar paylayıb!

Cənubi Koreyanın "Shift Up" şirkəti əməkdaşlarına ilin sonunda jest edib. Şirkət hər bir əməkdaşına "PlayStation 5 Pro" konsolu və 3400 dollar məbləğində mükafat təqdim edib. Bu addım onların zəhmətini qiymətləndirmək və şirkət daxilində istedadı təşviq etmək məqsədilə atılıb.

"Shift Up" bu addımı ilə oyun sənayesində əməkdaşlarına qarşı diqqəti ilə fərqlənib.

"HP" CES 2025-də yeni noutbuklarını təqdim etdi

‍"HP" CES 2025 sərgisində "Omen Max 16", "EliteBook" və "ZBook Ultra 14 G1a" modelləri daxil olmaqla yeni noutbuklarını təqdim etdi. Xüsusilə "Omen Max 16", "Intel Core Ultra 9" və ya "Ryzen AI 9 HX" prosessorları Nvidia GeForce RTX 5080 qrafik kartı və innovativ soyutma sistemi ilə diqqət çəkib. Bu modeldə toz yığılmasının qarşısını alan tərs fırlanan ventilyator və buxar kamerası texnologiyası istifadə edilib. "Omen Max 16" həmçinin oyun parametrlərini avtomatik optimallaşdıran "Omen AI" proqramına və istifadəçinin fərdiləşdirə biləcəyi RGB işıqlandırmaya malikdir.

"Sony" və "Honda"nın "Afeela" adlı elektrik avtomobili satışa çıxdı

İlkin mərhələdə yalnız ABŞ-nin Kaliforniya ştatında satışda olacaq avtomobilin qiyməti 89.900 dollardan başlayır. Afeela 1 Origin və Afeela 1 Signature modelləri ilə təqdim edilən avtomobillər süni intellekt dəstəkli şəxsi köməkçi və 500 km-ə qədər batareya məsafəsi təklif edir. Avtomobil 40 ədəd sensor, artırılmış reallıq texnologiyası və geniş ekranlı daxili dizaynı ilə fərqlənir. Origin modelini seçən müştərilər 2027-ci ildə, Signature modelini seçənlər isə 2026-cı ildə avtomobillərinə sahib olacaq.