Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Samsung Vision AI" təqdim olundu!
"Samsung" CES 2025 öncəsi keçirilən xüsusi tədbirdə ağıllı televiziyalar üçün yeni "Samsung Vision AI" süni intellekt sistemini təqdim etdi. Bu sistem "Galaxy AI"dan tanıdığımız "Canlı Tərcümə", "Axtarış üçün Kliklə" kimi xüsusiyyətləri televiziyalara gətirəcək.
"Nintendo Switch 2" kontrollerinin görüntüləri sızdırılıb
"Nintendo Switch 2" konsoluna aid olduğu iddia edilən "Joy-Con" kontrollerinin ilk görüntüləri sızdırılıb. Cihazın dizaynı mövcud "Switch" modellərinə bənzəsə də, nisbətən daha uzun olması ilə fərqlənir.
"Huawei Enjoy 70X" təqdim olundu
"Huawei" uzun müddətdir gözlənilən yeni modeli "Enjoy 70X"i təqdim etdi. Smartfon 6.78 düymlük, FHD+ və 120 Hz yeniləmə sürətinə malik OLED ekranla təchiz edilib. Cihaz 5G dəstəkləyən Kirin 8000A prosessoru, 8 GB RAM və 128/256/512 GB yaddaş seçimləri ilə satışa çıxarılır.
"Xiaomi" 15 illiyini xüsusi "SU7" versiyası ilə qeyd edir
"Xiaomi" 15 illik yubileyi münasibətilə ilk elektrik avtomobili "SU7"nin xüsusi rəng seçimini təqdim edib. Yalnız Çində satışa çıxarılan parlaq “Magenta” rəngi məhdud sayda istehlakçıya təklif olunacaq.
"Tesla"nın yenilənmiş modelinin xüsusiyyətləri açıqlanıb
"Tesla" yenilənmiş "Model Y" avtomobilini təqdim etməyə hazırlaşır. Yeni avtomobilin ilkin qiyməti 46.990 dollardan başlayır və üç fərqli paketdə satışa çıxarılacaq. Avtomobil 650 km məsafə qət edə bilən batareyası, maksimum 217 km/s sürəti və 0-100 km sürətini 5.5 saniyəyə əldə etməsi ilə diqqət çəkir. Yeni Tesla Model Y Juniper yaxın günlərdə rəsmi olaraq təqdim ediləcək.
Daha çox
Daily
kateqoriyasından
