hatsApp süni intellektdən istifadə edərək fərdi stikerlər yaratmağa imkan verəcək. Bunun üçün artıq beta versiyada sınaqlara başlayıb. Xüsusi stikerlər sayəsində tətbiq daha əyləncəli olacağı gözlənilir.
Test mərhələsində olan yeni xüsusiyyət üçün yaratmaq istədiyiniz stiker haqqında mətni dəqiqləşdirməlisiniz. Bunu "Stikerlər" tabındakı "Yarat" düyməsindən edə bilərsiniz. Verdiyiniz mətnə əsasən, süni intellekt sizin üçün yeni stiker yaradacaq.
Bu şəkildə yaradılan stikerlərin süni intellekt tərəfindən yaradıldığına dair "xüsusi imzası" olacaq. Beləliklə, istifadəçilər süni intellektlə birgə yaratdıqları stikerləri digər stikerlərdən ayıra biləcəklər. Həmçinin, uyğun olmayan və ya zərərli məzmunu olan stikerlər Meta tərəfindən aşkar ediləcək.
Hazırda test mərhələsində olan funksiya tezliklə bütün istifadəçilər üçün əlçatan olacaq. Oxşar funksiyanın Instagram və Messenger-ə də gələcəyi gözlənilir.
Daha çox
Texnologiya
kateqoriyasından
