Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Meta" və "Ray-Ban" yeni ekranlı eynək hazırlayır
İddiaya görə, "Meta" "Ray-Ban" ilə birgə hazırladığı ağıllı eynəklərə ekran əlavə etməyi planlaşdırır. "Financial Times"ın məlumatına görə, bu yeni nəsil eynəklər 2025-ci ilin ikinci yarısında təqdim edilə bilər. Ekranlı versiya sayəsində istifadəçilər bildirişləri, xəritə və görüntülü zəngləri birbaşa eynək üzərindən görə biləcəklər.
"Instagram" "Hekayə Xülasələri" özəlliyini sınaqdan keçirir
"Instagram" istifadəçilərin önə çıxardığı hekayələri ana səhifədə yenidən göstərən yeni bir xüsusiyyət üzərində işləyir. Bu yenilik bir həftə əvvəl paylaşılmış və "highlights" bölməsində yer alan hekayələrin yenidən izlənməsinə imkan verəcək. İstifadəçilər hekayənin ilk dəfə nə vaxt yükləndiyini də görə biləcəklər. "Meta" xüsusiyyətin hazırda məhdud sayda istifadəçi ilə sınaqdan keçirildiyini açıqlayıb.
"Samsung" "One UI 7" ilə üz tanıma sistemini təkmilləşdirir
"Samsung" "Galaxy S25" seriyası ilə təqdim ediləcək "One UI 7" yeniləməsi ilə üz tanıma sistemində irəliləyişlər edir. İstifadəçilər bu funksiyanı “Parametrlər” menyusundakı “Təhlükəsizlik və Məxfilik” bölməsindən idarə edə biləcəklər.
Elon Musk-ın baş hüquq məsləhətçisi "Martı"nın idarə heyətinə qoşulub
"Martı" Elon Musk-ın ən güvəndiyi hüquq məsləhətçilərindən biri olan Alex Spiro-nu idarə heyətinə daxil edib. "Martı"nın qurucusu Oğuz Alper Öktem, Spiro-nun şirkətin böyümə planlarına dəstək verəcəyini və strateji qərarlarda aktiv rol oynayacağını bildirib. Spiro "Martı"nın 2025-ci il üçün qoyduğu inkişaf hədəflərinə töhfə verməkdən məmnun olduğunu vurğulayıb. Oğuz Alper Öktem Spiro-nun iş dünyası və siyasət sahəsindəki təcrübəsinin şirkətə böyük üstünlük qazandıracağını qeyd edib.
"AirPods Pro 3" üçün yeni məlumatlar ortaya çıxıb
"Apple" "AirPods Pro" seriyasının üçüncü nəsli üzərində işlərini davam etdirir. Mark Qurmanın məlumatına görə, "AirPods Pro 3" sağlamlıq izləmə funksiyaları ilə təchiz olunacaq və istifadəçilərin ürək ritmini və fizioloji göstəricilərini ölçə biləcək. Yeni modelin gücləndirilmiş aktiv səs-küyün ləğvi funksiyası və H3 çipi ilə gələcəyi gözlənilir.
Daha çox
Daily
kateqoriyasından
