‍"YouTube" "clickbait" başlıqlı videoları siləcək! | Bu günün xəbərləri

Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!

"OnePlus Ace 5" 1.5K ekran və güclü prosessora sahib olacaq

‍

"OnePlus" 26 dekabrda gözlənilən "Ace 5" seriyasını təqdim edəcək. Yeni modellər 6.78 düymlük 1.5K AMOLED ekran və 120 Hz yeniləmə tezliyi ilə təchiz olunacaq. Standart versiyada Snapdragon 8 Gen 3, Pro versiyasında isə Snapdragon 8 Elite prosessoru istifadə ediləcək.

"Google Files"a yeni AI funksiyası əlavə edilib

‍

Bu xüsusiyyət PDF sənədlərini incələyərkən "Gemini" modelindən suallar soruşmağa imkan yaradır. Qeyd edək ki, bu funksiyadan istifadə etmək üçün abunəlik tələb olunur. Yeni funksiya sayəsində PDF fayllarında axtarış etmək əvəzinə, birbaşa "Gemini"dən kömək almaq mümkün olacaq.

"YouTube" "clickbait" başlıqlı videoları siləcək!

‍

"YouTube" Hindistanda insanları yanıldan "clickbait" videolarına qarşı mübarizə aparır. Qeyd olunub ki, platforma başlıq və "thumbnail"də verilən məlumatın videonun məzmununa uyğun olmadığı hallarda bu videoları siləcək. Bu addım xüsusilə aktual xəbərlər və hadisələr barədə olan videolara yönəlib. Şirkət izləyicilərin güvənini artırmaq və saxta başlıqlarla yaranan narahatlığı azaltmaq istəyir.

"The Witcher 4" oyun xəritəsi hansı ölçüdə olacaq?

‍

"The Game Awards 2024"də təqdim olunan "The Witcher 4" oyun dünyasında böyük maraq doğurub. "CD Projekt RED" yeni oyunun xəritəsinin "The Witcher 3" ilə eyni ölçüdə olacağını təsdiqləyib. Oyunun mərkəzində bu dəfə "Geralt" deyil, "Ciri" yer alacaq və o, daha çevik və güclü sehr qabiliyyətlərinə sahib olacaq. "The Witcher 4"ün 2025-ci ilin sonu və ya 2026-cı ilin əvvəlində çıxması gözlənilir.

"Oura" ağıllı üzükləri satış rekordu qırıb

‍

"Oura" 2024-cü ildə 2,5 milyon cihaz sataraq 500 milyon dollar gəlir əldə etdiyini açıqlayıb. Bu nailiyyətlə "Oura" qlobal ağıllı üzük bazarındakı liderliyini möhkəmləndirib. Üzük 20 fərqli sensorla istifadəçilərin yuxu rejimi, fiziki aktivlik və stres səviyyələrini izləyə bilir.