Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Apple Watch" satışını qadağan edən şirkətin baş direktoru istefa verdi
"Masimo"nun təşəbbüslərindən sonra "Apple Watch" satışları bir müddət dayanmışdı. Saatlar yenidən satışa çıxanda artıq qanda pksigen səvviyəsini ölçmə xüsusiyyəti yox idi. Qeyd edək ki, yeni təqdim edilən "Apple Watch 10" kimi modellərdə bu texnologiya yoxdur.
Bununla belə, keçən il yaranan problemlərə görə "Apple Watch" modellərinin satışını dayandıran "Masimo" şirkətinin baş direktoru istefa verib.
"Xiaomi" özünün ilk qatlana bilən smartfonu "Mix Flip"i təqdim etdi
"Xiaomi"nin ilk qatlana bilən smartfonu "Xiaomi Mix” qlobal bazarlarda satışa çıxarılıb. "Mix Flip"i nəzərdən keçirmə şansı olanlar telefonun performansından ümumiyyətlə razı qaldıqlarını ifadə etdilər.
"Samsung" yeni "Galaxy Tab S10+" və "S10 Ultra"nı təqdim etdi
"Galaxy Tab S10" seriyası üçün ilkin sifarişlər sentyabrın 26-da başlayıb. Planşetlərin satışa çıxarılacağı tarix isə 10 oktyabr olaraq müəyyən edilib. Galaxy Tab S10+ 12 GB RAM və 256 GB yaddaşa malik 999 dollara, 12 GB RAM və 512 GB yaddaşa malik versiya isə 1119 dollara satışa çıxarılacaq.
"Starlink"in neçə istifadəçisi olduğu açıqlanıb
Şirkətin "X" hesabından edilən paylaşımda neçə nəfərin "Starlink" istifadəçisi olduğu rəsmi olaraq açıqlanıb. Belə ki, paylaşılan məlumata əsasən, "Starlink" istifadəçi sayının 4 milyonu keçdiyi ortaya çıxıb. Qeyd edək ki, hazırda 100-dən çox ölkədə istifadə oluna bilən Starlink-in internetə çıxışı təmin edən 6000-dən çox peyki var.
"Samsung Galaxy Ring"ə ilk proqram yeniləməsi gəldi
İyul ayında satışa çıxarılan "Samsung Galaxy Ring" ilk proqram yeniləməsini aldı. Yeniləmə ilə birgə Bluetooth bağlantısının daha stabil hala gətirildiyi və "Samsung Health"in stabilliyinin yaxşılaşdırıldığı qeyd olunub.
Daha çox
Daily
kateqoriyasından
