Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“Apple Vision Pro”ya “GeForce NOW” dəstəyi gəldi!
“Apple”ın 2024-cü ildə satışa çıxardığı “Vision Pro” yeni “GeForce NOW dəstəyi qazandı! “NVIDIA”nın bulud əsaslı oyun platforması ilə “Apple Vision Pro” sahibləri 2000-dən çox oyunu rahatlıqla oynaya biləcəklər.
Bu xidmət “Safari” üzərindən işləyir və oyunlar 4K 120 FPS keyfiyyətində aşağı gecikmə ilə təcrübə edilə bilər. Əlavə olaraq “gamepad dəstəyi” də mövcuddur!
Bu bulud əsaslı oyunların istehsalı, istehlakı və əhatəliliyinin artması üçün müsbət bir yenilikdir.
“Qualcomm” yeni nəsil “Snapdragon X2” PC prosessorları ilə sənayeni silkələməyə gəlir!
“Qualcomm” yeni nəsil “Snapdragon X2” prosessorları ilə PC bazarında iddialı olmağa hazırdır! “Apple”ın “M” seriyası ilə rəqabət aparacaq bu prosessorlar “ARM” əsaslı arxitektura, daha az enerji istehlakı və yüksək performans vəd edir.
Sızdırılan məlumatlara görə “Snapdragon X2 Ultra Premium” adlı daha güclü bir model də hazırlanır. Bu yeni prosessorlar “Windows 11 AI+ PC ekosistemi” ilə tam uyğunluq göstərəcək və “Microsoft”un “Auto SR” texnologiyasını dəstəkləyərək oyunların görüntü keyfiyyətini artıracaq.
“Qualcomm” yeni nəsil prosessorları ilə noutbuklar üçün daha güclü və enerjiyə qənaətcil alternativ təqdim etməyi planlaşdırır. Xüsusilə, süni intellekt əsaslı tətbiqlər və uzun batareya ömrünə diqqət verən istifadəçilər üçün bu seriya böyük yeniliklər gətirə bilər!
“Sony” “Marvel’s Spider-Man 2” üçün PC sistem tələblərini elan etdi!
“Sony” bugün “Marvel’s Spider-Man 2” rəsmi sistem tələblərini elan edərək oyunun PC versiyası üçün gələn yeni əsas xüsusiyyətləri də açıqladı. Oyunçular üçün qrafik keyfiyyəti və performans balansı nəzərə alınaraq fərqli tələblər müəyyən edilib. Oyunu minimum, tövsiyə edilən və yüksək parametrlərlə oynamaq üçün lazım olan GPU, CPU və RAM göstəriciləri də qeyd edilib.
Əsas xüsusiyyətlər:
- “Ray Tracing” dəstəyi: High, Very High və Ultimate səviyyələri mövcuddur
- “Ultra” geniş ekran dəstəyi
- “DualSense” ilə tam uyğunluq
- Maksimum “4K 60 FPS” performans
Sistem tələbləri: şəkil
“Android 16” ilə bütün tətbiqlərə “qaranlıq mod” funksiyası gəlir!
İlk olaraq “Android 16”nın “Beta” versiyasında yoxlanılan bu funksiya ilə artıq bütün tətbiqləri avtomatik olaraq “qaranlıq mod”a keçirmək mümkün olacaq. Tətbiqlərin əksəriyyəti rəsmi olaraq “qaranlıq mod” funksiyasını verməsə də, sistem bunu avtomatik edəcək!
“Android 16”nın stabil versiyası çıxdıqda bu funksiyanın hamı üçün aktiv olub-olmayacağı “Google”un test nəticələrindən asılı olacaq. Əgər nəticələr istənilən kimi olmazsa, bu funksiya “Android 15”də olduğu kimi bir daha təxirə salına bilər.
“Vodafone” dünyada bir ilki reallaşdırdı!
“Vodafone” peyk vasitəsilə dünyanın ilk görüntülü zəngini reallaşdırdı. Daha da təsirlisi odur ki, bu görüntülü zəng xüsusi peyk cihazı vasitəsilə deyil, hər kəsin gündəlik istifadə etdiyi 4G və 5G smartfonları vasitəsilə edilib. Bu, həqiqətən də mobil əlaqədə ,tamamilə, yeni dövrün gəldiyinin mühüm göstəricisidir.
Bu yenilik telefon şəbəkəsinin çəkmədiyi və ya zəif olduğu ərazilərdə bir çox əməliyyatları problemsiz formada reallaşdırmağa imkan yaradacaq.
Yeniliklə “Apple” və “SpaceX” arasında “iPhone”lara “Starlink” əlavəsinin gətiriləcəyi ilə bağlı xəbərlər yayılmışdı. İlk başda sadəcə mesajlaşma üçün nəzərdə tutulsa da bu texnologiya zamanla daha geniş funksiyalarla bütün dünyada istifadə ediləcək.
Daha çox
Daily
kateqoriyasından
