Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Azərkosmos" Türkiyə şirkəti ilə əməkdaşlıq edəcək
Bakıda keçirilən Azərbaycan Beynəlxalq Müdafiə Sərgisi (ADEX) çərçivəsində Rəqəmsal İnkişaf və Nəqliyyat Nazirliyi yanında Kosmik Agentlik ("Azərkosmos") ilə Türkiyənin “Impro” şirkəti arasında əməkdaşlıq müqaviləsi imzalanıb.
Müqaviləyə əsasən, "Azərkosmos"un kommersiya portfelini genişləndirmək məqsədilə “Impro” şirkətinə məxsus “Göktürk-1” peyki vasitəsilə əldə edilmiş təsvir və həllərin istifadəsi nəzərdə tutulur.
“Göktürk-1” yüksək ayırdetmə qabiliyyətinə malik Yerin məsafədən müşahidə peykidir. Coğrafi məhdudiyyət olmadan Yerin istənilən nöqtəsindən görüntü əldə etməyə imkan verir. Peykin təsvirlərindən xəritəçəkmə və planlaşdırma, kənd təsərrüfatı, torpaq örtüyünün tədqiqi, geologiya, ətraf mühitin monitorinqi, fövqəladə halların idarə edilməsi, sahil zonasının idarə edilməsi və su ehtiyatları üzrə müxtəlif proqramların həyata keçirilməsində istifadə olunur.
“Impro” şirkəti ilə əməkdaşlıq “Azərkosmos”un müştərilərə təqdim etdiyi coğrafi informasiya üzrə həll və xidmətlərin sayının artırılması üçün yeni imkanlar açacaq.
Elon Musk gələndən sonra "X" ilk dəfə şəffaflıq hesabatını açıqlayıb
Elan edilən hesabatda 2024-cü ilin ilk altı ayı üçün moderasiya məlumatları paylaşılıb. Şəffaflıq hesabatına görə, "X" ilin ilk altı ayında təxminən 5,3 milyon hesabı deaktiv edib. 2022-ci ildəki hesabatda bu rəqəm 1,6 milyon idi. Bağlanan hesablardan əlavə, 10 milyon 600 mindən çox yazı ya silinib, ya da etiketlənib. Hesabata görə, belə problemli məzmun platformada istehsal olunan ümumi məzmunun 1 faizini belə təşkil etmir.
"Google" "Microsoft"u Avropa Komissiyasına şikayət edib
İddialara görə, "Microsoft"un “Azure” bulud platforması istifadəçilərin iş yüklərini digər provayderlərə daşımasını çətinləşdirir. "Google" "Microsoft"un addımlarının öz xidmətlərindən asılılıq yaratdığını və rəqib bulud provayderlərini blokladığını iddia edib.
"Assassin's Creed Shadows" oyunu təxirə salınıb
"Ubisoft" son vaxtlar internetdə yayılan şayiələri rəsmi olaraq təsdiqləyib. Belə ki, "Assassin's Creed Shadows" oyunu təxirə salınıb. Çox gözlənilən oyunun normal olaraq bu ilin noyabrında çıxacağı gözlənilirdi. Ancaq şirkətin açıqlamasına görə, oyun üçün bir müddət daha gözləməli olacağıq.
"Gmail"ə "mavi tık" xüsusiyyəti gəlir
"Gmail" iOS və Android platformalarında istifadəçilərinə "mavi tık" ((Blue check mark) işarələri təklif etməyə başladığını açıqladı. Bu addım milyonlarla insanın gündəlik olaraq üzləşdiyi təhlükəsizlik problemi ilə mübarizə üçün atılıb. Bu dəyişiklik istifadəçilərin aldıqları e-poçtların etibarlılığını artırmaq məqsədi daşıyır və saxta e-poçtlara qarşı bir tədbir olaraq önə çıxır.
Daha çox
Daily
kateqoriyasından
