Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
A-Hub Akselerasiya Proqramının mükafatlandırma mərasimi keçirilib
Şuşada A-Hub Akselerasiya Proqramının qaliblərinin mükafatlandırma mərasimi keçirilib.
Tədbir ICESCO, Azərbaycan Mədəniyyət Nazirliyi və New Space Innovation şirkəti tərəfindən təşkil olunub. Belə ki, iyunun 2-də Bakı Kristal Zalında keçirilən dünya finalında 11 ölkədən (Azərbaycan, Cibuti, Tunis, Tacikistan, Türkiyə, Liviya, Seneqal, Somali, Misir, Mali, Sudan) 30-dan çox innovativ komanda iştirak edib. Bu innovatorlar öz ideyalarını nümayiş etdirib və 30 min dollar mükafat fondu uğrunda yarışıblar.
Yarışın nəticəsinə əsasən, "Snack Pack" (Azərbaycan) komandası I, "ReSkill" (Tacikistan) komandası II, "Biopols" (Türkiyə) komandası III, "Caredify" (Tunis) komandası IV yerə layiq görülüb.
Qeyd edək ki, "A-Hub Akselerator"u, ICESCO və "New Space Open Innovation"un əməkdaşlığı ilə həyata keçirilən, Azərbaycan Mədəniyyət Nazirliyinin dəstəyi ilə yaradılmış bir təşəbbüsdür. Bu akselerator proqramı yaradıcı və texnoloji startapları dəstəkləyərək onların ideyalarını reallaşdırmaq üçün lazım olan resurs və mentorluğu təmin edir. 2021-ci ildə pilot layihə kimi başlayan proqram hazırda 20 ölkədə fəaliyyət göstərir və daha da genişlənməkdədir.
"Startapların qəbulu ilə bağlı təcrübəmizi digər ölkələrlə paylaşa bilərik"
Bakı Dövlət Universitetində Tədqiqat, İnkişaf və İnnovasiyalar üzrə Mükəmməllik Mərkəzinin yaradılmasından sonra ali təhsil ocağı gəlir əldə etməyə başlayıb.Bu barədə Bakı Dövlət Universitetinin (BDU) rektoru Elçin Babayev Şuşada keçirilən Beynəlxalq Sahibkarlar Forumunda qeyd edib.
O bildirib ki, BDU artıq kifayət qədər investisiya cəlb etmiş ali təhsil müəssisəsidir:
"Biz indi böyük strukturlarla, şirkətlərlə əməkdaşlıq edirik. Hesab edirəm ki, tələbələrimiz üçün əlverişli mühit yaratmalıyıq. Biz sahibkarlıq, startaplar, investisiya qəbulu ilə bağlı öz təcrübələrimizi digər ölkələrlə paylaşa bilərik".
“Samsung Galaxy Ring”in buraxılış tarixi açıqlanıb
“Samsung Galaxy Ring” avqustda 300-350 dollar qiymət etiketi ilə satışa çıxarılacaq. Bundan əlavə, bəzi premium funksiyalardan istifadə etmək üçün təxminən $10 aylıq abunə haqqı tələb olunacaq.
“Samsung” istifadəçilərə düzgün üzük ölçüsünü təyin etməyə kömək etmək üçün innovativ üsul hazırlayıb. “Galaxy Ring” doqquz müxtəlif ölçüdə və ən azı üç rəng variantında təqdim olunacaq. SM-Q500 kodlu model ən kiçik ölçüsü, SM-Q509 isə ən böyük ölçüsü təmsil edir. Fərqli ölçülər üçün 3 fərqli batareya tutumu olacaq.
"ASUS ZenBook S 16" təqdim edildi
"MacBook" rəqibi olacaq "ASUS ZenBook S 16" "Computex 2024" sərgisində təqdim edildi. İncə və yüngül dizaynı ilə diqqət çəkən noutbuk bir çox xüsusiyyəti ilə diqqət çəkib.
ASUS yeni cihazında "Ceraluminium" materialından istifadə edib. Bu material davamlı və hamar bir səth əldə etmək üçün kimyəvi və elektrik proseslərinə məruz qalır. Bu 16 düymlük noutbukun qalınlığı cəmi 0,43 düym (10,9 mm) və çəkisi 1500 qramdır. Beləliklə, həm nazik, həm də yüngüldür. Bu sayədə daşımaq çox asandır. ZenBook S 16-nın ekranı tamamilə göz oxşayır. 3K təsvir (2880×1800 piksel) və 16:10 nisbət nisbətinə malik bu ekran 120Hz OLED paneldən istifadə edir. Bu o deməkdir ki, rənglər canlı və aydındır, qaralar isə dərin və realdır.
Bu noutbuk daxili aparatları ilə də diqqəti cəlb edir. ZenBook S 16 AMD-nin yeni Ryzen 9 AI 300 "Strix Point" prosessorlarından istifadə edir. Bu prosessorlar Zen 5 nüvəsi, RDNA 3.5 qrafik bloku və təkmilləşdirilmiş neyron emal bloku (NPU) ilə təchiz olunub.
Tək ələ sahib 5 yaşlı Cordan Marotta bionik qol ilə təchiz edilib
Cordan Marotta "Iron Man" temalı "Qəhrəman Qolu" protezini "Open Bionics"dən təchiz edib. Cordanın yeni qolu ilə ilk fəaliyyəti 2 əli ilə tuta biləcəyi skuterinə minmək olub. O, həmçinin insanlara belə bir tövsiyə verib:
"Təslim olmayın. Sadəcə təslim olmayın”.
Cordanın anası Ashley Marotta "Open Bionics"ə zəng edib. Əvvəlcə çox gənc olduğu düşünülən Cordan müvəffəqiyyətlə qolunu sınayıb, daha sonra isə Nyu-Yorkda protez taxılıb.
Daha çox
Daily
kateqoriyasından
