Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Türkiyə və "Instagram" rəsmiləri bir araya gəlib
Keçdiyimiz günlərdə Türkiyədə "Instagram"a girişin qadağan olunmasının ardından "Instagram" rəsmisi ilə nəqliyyat və infrastruktur naziri Abdulkadir Uraloğlu arasında onlayn görüş keçirilib və qadağanın ləğv olunması ilə bağlı danışıqlar aparılıb. Türkiyə tərəfi görüşdən istidəkilərini ala bilmədiklərini bildirsədə, "Meta" sözçüsü "Instagram"ın yenidən istifadəyə verilməsi üçün əllərindən gələni edəcəklərini açıqlayıb.
"Apple"dan növbəti uğursuz reklam!
"Apple" şirkətinin “Underdogs” seriyasının yeni reklamı mübahisələrə səbəb olub. Belə ki, Tailand xalqının inkişaf etməmiş və geridə qalmış bir mədəniyyət kimi göstərildiyi iddia edilən reklama Tailand hökuməti reaksiya bildirib və xalqı "Apple" məhsullarından istifadəni dayandırmağa çağırıb.
Tənqidlərin ardından "Apple" Tailand xalqından üzr istəyərək reklam videosunu silib. Qeyd edək ki, "Apple"ın daha öncə də iPad "Crush" reklamı mübahisələrə səbəb olmuşdu.
"X" rəsmi olaraq San-Fransiskodakı qərargahını tərk edir
Bu qərara Kaliforniyanın biznes mühiti və ictimai təhlükəsizlik problemləri də daxil olmaqla bir sıra amillərin təsir etdiyi bildirilib. Texnologiya sənayesi "X"in bu yeni addımının şirkətin gələcəyinə təsirlərini yaxından izləyir.
"Button Stealer" ən maraqlı “call the action” düymələrini bir araya gətirir
"Button Stealer" developer Anatoly Zenkov tərəfindən yaradılan əyəlncəli bir "Google" əlavəsidir. Adından da göründüyü kimi bu əlavə müxtəlif veb-saytlarda olan “call the action” düymələrini “oğurlamağa”, yəni onların ekran görüntüsünü kolleksiya şəklində saxlamağa xidmət edir.
"Button Stealer" lazımsız bir əlavə kimi görünsə də, insanların oğurladığı butonlar əslində onların dizaynının öz məqsədlərinə çatmaqda nə qədər uğurlu olmasının əhəmiyyətli bir göstəricisidir.
Yeni "iPhone" modeli haqqında şayiələr yayılıb
"FrontPageTech" adlı "Youtube" kanalının paylaşdığı bir videoda "Apple"ın "iPhone Air" adlanan daha incə modelinin yayımlanacağı iddia edilib.
Daha çox
Daily
kateqoriyasından
