Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
vivo X200S və X200 Ultra: Yeni rənglər və təkmilləşmiş dizayn!
Çində sızdırılan məlumatlara görə, vivo X200S və X200 Ultra modelləri yaxın aylarda təqdim ediləcək. X200S-in qara və gümüş, X200 Ultra-nın isə qara və yeni bir rəng seçimi ilə təqdim olunacağı bildirilir. Bu modellərin vivo Watch 4 ilə birlikdə təqdim ediləcəyi və qiymətinin təxminən 770 dollar olacağı gözlənilir.
"Apple"ın süni intellektli xəbər bildirişləri tənqid edilib
Apple-ın yeni AI əsaslı xəbər xülasəsi təqdim edən funksiyası ciddi tənqidlərə məruz qalıb. BBC və digər xəbər qurumlarının məlumatlarını yanlış şəkildə təqdim edən bu funksiya ictimaiyyəti çaşdıran bildirişlər yayıb. Bu problemlər arasında bir idman turnirinin nəticələrini başlanmazdan elan etmək və tanınmış şəxslər haqqında saxta məlumat yaymaq kimi hallar yer alır.
Snapdragon 8s Elite: Orta seqment telefonlar üçün yeni güc!
"Qualcomm" orta seqment telefonlar üçün Snapdragon 8s Elite prosessorunu təqdim edir. Bu yeni çip, təxminən 2 milyon AnTuTu xalı ilə Snapdragon 8 Gen 3-ə yaxın performans göstərəcək. Snapdragon 8s Elite - Xiaomi, Honor, iQOO və Oppo kimi markaların incə dizaynlı və kamera yönümlü modellərində istifadə olunacaq.
20 illik "Xbox 360" süni intellekt ilə işə salındı
Mühəndis Andrei David təxminən 20 illik "Xbox 360" konsolunda Meta Llama 2 süni intellekt modelini işə salaraq mühəndislik sahəsində əhəmiyyətli uğur qazandı. Konsolun PowerPC arxitekturası və yaddaş idarəetməsi üçün kodu optimallaşdırmaq ən böyük çətinliklərdən biri idi. David 60 MB-lıq modeli 512 MB RAM-ə uyğunlaşdıraraq uğurla işləməsini təmin etdi. Bu nailiyyət köhnə cihazların imkanlarını araşdırmaqda mühüm addım hesab edilir.
Halo 5: Guardians PC-yə gələ bilər!
Microsoft-un məşhur Halo seriyasının 10 illik oyunu Halo 5: Guardians, nəhayət PC platformasına gələ bilər. CES 2025 sərgisində təqdim olunan Lenovo Legion Go S konsolunun tanıtım materiallarında, oyunun Steam loqosu ilə birgə görsənməsi bu iddiaları gücləndirir.
Daha çox
Daily
kateqoriyasından
