Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Sony"dən "PS5" oyunları üçün yeni addım!
"Sony" "PlayStation 5" üçün "Decima" oyun motorunun istifadəsini genişləndirir. "Guerrilla Games"in hazırladığı bu motor artıq "Bend Studio" və digər "PlayStation" studiyalarının layihələrində tətbiq ediləcək. "Bend Studio"nun 2025-ci ildə təqdim olunacaq yeni açıq dünya oyunu bu texnologiya ilə hazırlanacaq.
"Samsung" "Galaxy S25" ilə "Bixby"ni yenidən təqdim edir!
"Samsung" 22 yanvarda keçiriləcək "Galaxy S25" təqdimatında "Bixby" üçün yeni xüsusiyyətləri elan edəcəyini bildirib. Uzun illərdir istifadəçilərdən istənilən marağı qazana bilməyən "Bixby" yeni “Galaxy AI” adlanan funksiyaları ilə təkmilləşdirilib. Yeni model insanla danışırmış kimi qarşılıqlı ünsiyyət imkanlarını təqdim edəcək və istifadəçinin tələblərini daha dəqiq anlayacaq.
"ASUS Zenfone 12 Ultra"nın təqdimat tarixi açıqlandı
"ASUS" yeni "Zenfone 12 Ultra" modelini 6 fevral tarixində təqdim edəcəyini rəsmi olaraq açıqlayıb. Şirkət cihazın texniki xüsusiyyətləri barədə məlumat verməsə də, paylaşımda süni intellekt və fotoqrafiya imkanlarına vurğu edilib.
"BYD" Yaponiyada "Toyota" satışlarını keçdi
2024-cü ildə "BYD" Yaponiyada ilk dəfə "Toyota" satışlarını geridə qoydu. "BYD" il ərzində 2223 elektromobil sataraq satışlarını 54 % artırdığı halda, "Toyota"nın satışları 30 % azalaraq 2038-ə düşdü. Şirkətin uğuru "Atto 3", "Dolphin" və "Seal" modellərinin bazara çıxarılması ilə əlaqədardır.
3 hissəyə qatlanan cihaz təqdim olunub!
CES 2025-də tanıdılan dünyanın ilk üç hissəyə qatlanan cihazı olan "Auren Zip" texnologiya sevərlərin böyük marağına səbəb olub. Yalnız 280 qram ağırlığında və 84 x 78 x 26 mm ölçüsündə olan bu cihaz, həm Android, iOS, macOS, həm də Windows sistemlərinə simsiz bağlanır və HDMI girişi ilə oyun konsollarını dəstəkləyir.
Daha çox
Daily
kateqoriyasından
