Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“iPhone SE 4” və yeni “iPad” modellerinin təqdimat tarixi bəlli oldu!
Uzun müddətdir gözlənilən "iPhone SE 4" iPad 11 və iPad Air modelləri ilə bağlı yeni məlumatlar ortaya çıxıb. "Bloomberg"dən Mark Qurmanın paylaşdığı məlumatlara əsasən, bu cihazların təqdimat tarixi 2025-ci ilin ilk yarısına, xüsusilə mart və aprel aylarına təsadüf edəcək.
Apple cihazlarının iOS 18.3 versiyası ilə birlikdə təqdim ediləcəyi bildirilir. Bu yeniləmə Apple’ın növbəti böyük addımı olacaq, çünki iOS 18.3 ilk dəfə Apple Intelligence-in fərqli dillərdə istifadə olunmasını mümkün edəcək.
Yeni iPhone SE 4 modelinin iPhone 14 dizaynına bənzəyəcəyi və güclü A18 prosessoru ilə təchiz ediləcəyi deyilir. Bununla yanaşı, cihaz tək arxa kamera ilə gələcək. iPad 11 və iPad Air modelləri isə daha təkmil texnologiya və iOS yenilikləri ilə birlikdə təqdim olunacaq.
"OnePlus 13” modeli rəsmi olaraq tanıdıldı
Texnologiya həvəskarlarının səbirsizliklə gözlədiyi “OnePlus 13” modeli qlobal bazarda rəsmi olaraq tanıdıldı. Bu model müasir texnologiyaları və yüksək performansı ilə istifadəçiləri məmnun edəcək xüsusiyyətlər təqdim edir. OnePlus 13, 6.82 düymlük QHD+ AMOLED ekran ilə təchiz olunub.
120 Hz yeniləmə sürəti və 4500 nit parlaqlıq səviyyəsi ilə ekran təcrübəsini yeni səviyyəyə qaldırır. Telefon gücünü Snapdragon 8 Elite prosessorundan alır və 12/16 GB LPDDR5X RAM seçimləri ilə təqdim olunur.
OnePlus 13 modellərinin qiymətləri:
• 12 GB RAM + 256 GB: 815 USD
• 16 GB RAM + 512 GB: 896 USD
• 24 GB RAM + 1 TB: 1048 USD
“Steam”də keçən həftənin ən çox yüklənən oyunları bəlli oldu
Lider mövqedə “Counter-Strike 2”, ardınca “PUBG: BATTLEGROUNDS” və “Path of Exile 2” gəlir. Siyahıda həm yeni buraxılışlar, həm də klassik hitlər yer alır. Son həftələr “Steam” texnologiya və oyun həvəskarları üçün mükəmməl seçimlər təqdim edir.
Top 10 oyunlar:
1) Counter-Strike 2
2) PUBG: BATTLEGROUNDS
3) Path of Exile 2
4) Marvel Rivals
5) Dota 2
6) Elden Ring
7) Baldur’s Gate 3
8) Cyberpunk 2077
9) War Thunder
10) Grand Theft Auto V
"Xiaomi”dən ağıllı dambıl!
“Xiaomi” CES 2025-də innovativ LED ekranlı və hərəkət sensorlu “Mijia Smart Dumbbells”ı təqdim etdi. “Mijia Smart Dumbbells”ı LED ekranı və 6 oxlu hərəkət sensorları vasitəsilə məşq zamanı performansı izləməyi daha dəqiq və rahat edir. Erqonomik tutacaq, sürüşməz səth və 1-2 kq tənzimlənən çəki ilə həm təhlükəsiz, həm də rahatdır.
Əsas xüsusiyyətləri:
- LED Ekran: Təkrar, kalori və vaxtı izləyin.
- Hərəkət Sensorları: Hərəkətləri dəqiq ölçür.
- Tənzimlənən Çəki: 1-2 kq arasında tənzimlənir.
- Uzun Batareya Ömrü: 177 günə qədər istifadə imkanı
Qiymətlər:
• 2 kq versiya: 14$
• Set versiyası: 22$
"Unitree G1" robotu: Gələcəyin texnologiyası CES 2025-də!
CES 2025-də təqdim olunan “Unitree G1”, robot texnologiyasında yeni dövr açır. İnsan anatomiyasına əsaslanan bu robot, 23-43 əlavə motoru ilə mürəkkəb hərəkətləri asanlıqla yerinə yetirir. Bu robotu digər robotlardan fərqləndirən əsas xüsusiyyəti istifadə sahəsinin geniş olmasıdır.
Əsas xüsusiyyətləri:
3D LiDAR və dərinlik kamerası: Ətrafı detallı şəkildə təhlil edir.
8 nüvəli prosessor: Süni zəka dəstəyi ilə gücləndirilmişdir.
Dayanıqlı dizayn: Çətin şəraitlərdə belə effektiv işləmək üçün hazırlanmışdır.
İstifadə Sahələri:
İstehsalat: Fabriklərdə və depolarda effektivlik artırır.
Tədqiqat: Süni zəka və robotika sahəsində yeniliklərə yol açır.
Sağlamlıq: Reabilitasiya və tibbi yardımlarda istifadə olunur.
Ev xidmətləri: Gündəlik işlərdə yardım edir.
Qiymət: 16,000$
Daha çox
Daily
kateqoriyasından
