“Minecraft”dan NFT-lərə qadağa gəlib

Məşhur tikinti və həyatda qalma oyunu “Minecraft”ın yaradıcısı “Mojang” NFT-lərin oyunlarına daxil edilməsini qadağan etdiyini açıqlayıb.

Rəsmi “Minecraft” saytında paylaşdıqları bloqda deyilir ki, NFT-lərin “Minecraft” ilə inteqrasiyası onların icazə verəcəyi və dəstəkləyəcəyi bir şey deyil.

Yazı blokçeyndən istifadə edən, rəqəmsal əşyaların ticarəti və satışı ilə fəal iştirak edən “Minecraft” oyunçularını xəbərdar etməyə fokuslanıb.