Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Huawei Pura" qatlanan ekran və sürpriz funksiyalarla gəlir
"Huawei" 20 martda keçirəcəyi tədbirdə yeni "Pura" modelini təqdim edəcək. Şirkətin rəhbərlərindən Richard Yu-ya görə, cihaz adi smartfonlardan daha çox funksionallıq təklif edəcək. "Huawei Pura" həm şaquli formada qatlana bilən, həm də xarici ekranla təchiz olunmuş dizaynı ilə diqqət çəkir. Telefonun 16:10 nisbətində ekranı və 10 qat yaxınlaşdırma dəstəyi olan güclü kamerası olacaq.
"Windows 11" yeniləməsi "Copilot"u səhvən silib
"Microsoft"un 11 martda təqdim etdiyi "Windows 11" yeniləməsi bəzi cihazlardan "Copilot" tətbiqinin səhvən silinməsinə səbəb olub. Yeniləmədən sonra istifadəçilər "Copilot"un tapşırıqlar panelindən yoxa çıxdığını və tamamilə silindiyini bildiriblər. Şirkət problemin fərqində olduğunu və "Copilot"un "Microsoft Store" üzərindən yenidən yüklənə biləcəyini açıqlayıb.
"Caviar"dan yeni lüks telefon seriyası!
"Caviar" “Horizon Collection” adlı yeni seriyasını təqdim edib. Bu kolleksiya Londra, Dubay, Şanxay və Cəbəllütariq kimi şəhərlərin ikonik simvollarını özündə birləşdirir. Telefonların arxa dizaynlarında 24 karat qızıl və xüsusi materiallardan istifadə olunub.
"Xbox Game Pass"ə apreldə gələcək oyunlar açıqlanıb
Siyahıya əsasən, bu ay platformaya "South of Midnight", "Commandos: Origins" və "Descenders Next" kimi gözlənilən oyunlar əlavə olunacaq. Oyunlar arasında "Blue Prince" (10 aprel), "Tempopo" (17 aprel) və "Clair Obscur: Expedition 33" (24 aprel) kimi adlar da yer alır.
"PlayStation Plus"a yeni oyunlar əlavə olunub
"Sony" "PlayStation Plus Extra" və "Deluxe" abunəçiləri üçün mart ayında əlavə olunan yeni oyunları açıqlayıb. Bu ayın seçilmiş oyunları arasında "UFC 5", "Syberia: The World Before" və "Captain Tsubasa: Rise of New Champions" kimi fərqli janrlarda maraqlı adlar yer alır.
Daha çox
Daily
kateqoriyasından
