acebook dünən axşam son illərin ən böyük fasiləsi ilə qarşılaşdı.
Bəs WhatsApp və Instagrama da təsir edən və 6 saat davam edən bu problem tam olaraq nə ilə bağlı idi?
Dünən axşam qarşılaşılan problem, Facebookun indiyə qədər yaşadığı ən böyük fasilələrdən birinə səbəb olmuşdur. “New York Times” qəzetinin verdiyi xəbərə görə, hətta Facebook işçiləri də şirkətə daxil ola bilməyiblər və vəziyyəti düzəltmək üçün məlumat mərkəzinə fiziki olaraq getməli olublar.
Bəs gecəyarısı aradan qaldırılan problemin arxasında nə dayanırdı? Bu mövzuda açıqlama verən Facebook CEO-su Mark Zukerberg, baş verənlərə görə əvvəlcə hər kəsdən üzr istəyib.
Xoşbəxtlikdən, bu fasilə kiberhücumdan irəli gəlməmişdi. Başqa sözlə, dünən axşam Facebookun serverlərindən heç bir məlumat oğurlanmamışdır. Açıqlamaya görə, dünən axşam yaşanan nəhəng problemə bəzi əsas parametrlərdəki dəyişikliklər səbəb olmuşdur. Xüsusilə, BGP (Border Gateway Protocol) yeniləməsində problem yaranmış və Facebookun digər şəbəkələrə qoşulmasına imkan verən DNS istiqamətləndirmə məlumatları silinmişdir. Bu səbəbdən bütün xidmətlər bir anda yararsız hala düşmüş, daha doğrusu əlçatmaz olmuşdur.
Facebookdan başqa müxtəlif qlobal xidmətlərdə də problemlər olsa da, xüsusilə Twitter və Telegram kimi rəqib şirkətlər bu vəziyyəti məmnuniyyətlə izləmişdir.
Daha çox
Texnologiya
kateqoriyasından
