Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Azərbaycanın kibertəhlükəsizlik indeksi beynəlxalq reytinqdə yüksəlib
Beynəlxalq Telekommunikasiya İttifaqının “Qlobal kibertəhlükəsizlik indeksi 2024” (Global Cybersecurity Index, itu.int/GCI) hesabatı dərc edilib. Bildirilib ki, Azərbaycan reytinqdə 100 mümkün xaldan ümumilikdə 93,76 xal toplayıb və yeni metodologiyaya əsasən “təkmil səviyyə”də qərarlaşıb.
Çinli "Xpeng" modelinin satışları rekord qırır
Bazarda çox qısa müddət olmasına baxmayaraq, "MONA M03"ün gündə 2 mindən çox sifariş aldığı və təkcə bu həftə ərzində 10 mindən çox sifarişə çatdığı bildirilib.
Cristiano Ronaldo izləyicilərinin sayı 1 milyarda çatıb
Mövzu ilə bağlı açıqlama verən ulduz futbolçu bütün sosial şəbəkələrdə cəmi 1 milyard izləyiciyə çatdığını açıqlayıb.
"GM" və "Hyundai" elektrik və hidrogen avtomobilləri üçün əməkdaşlıq edəcək
"Hyundai" və "GM" elektrik və hidrogen avtomobilləri üçün əməkdaşlıq etmək qərarına gəldiklərini açıqlayıblar. Bundan əlavə, iki şirkət xam batareya xərclərini azaltmaq üçün birlikdə hərəkət edəcək.
"Apple" yeni süni intellektə əsaslanan "Image Playground"u təqdim etdi
"Apple" "Image Playground" vasitəsilə mətn əmrləri ilə hazırlanmış ilk AI vizualını paylaşıb. Şəkildə papaq taxan və ad günü tortunun qarşısında gülümsəyən sevimli bir təsvir olunub.
Daha çox
Daily
kateqoriyasından
