Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"WhatsApp" videozənglər üçün yeni bir xüsusiyyət üzərində işləyir
"WhatsApp” videozəngləri daha əyləncəli edəcək funksiya üzərində işləyir. Tezliklə tətbiq daxilində artırılmış reallıq filtrlərini və effektlərini görməyə başlayacağıq. Tətbiqin ən son Android beta versiyasında WABetaInfo tərəfindən qeyd edilən bu xüsusiyyət bizə zənglərdə əlavə reallıq (AR) effektlərindən istifadə etməyə imkan verəcək.
"Apple Intelligence" iOS 18 ilə eyni vaxtda gəlməyəcək
"Apple" iOS 18-in ilk buraxılışından sonra yeni süni intellekt xüsusiyyətlərini təqdim etməyi planlaşdırır. "Bloomberg"in məlumatına görə, şirkət sentyabrda iOS 18-i, oktyabrda isə "Apple Intelligence"i təqdim edəcək. Başlanğıcda "Apple Intelligence" iPhone 15 Pro, 15 Pro Max və M1 və daha yeni çipləri olan iPad/Mac-lara inteqrasiya olunacaq.
"Samsung" AI ilə dəstəklənən yeni qurğular istehsal etmək istəyir
"Samsung"un mobil bölməsinin prezidenti Roh Tae-moon şirkətin yeni nəsil süni intellekt dəstəkli cihazlarının tezliklə satışa çıxarılacağını və bu cihazların bazarda böyük təsir göstərəcəyini bildirib. Hazırda "Samsung"un mobil tədqiqat büdcəsinin böyük bir hissəsi süni intellekt cihazlarına ayrılıb və şirkət bu addımla rəqiblərindən əhəmiyyətli bir bazar payı almağı hədəfləyir. Roh bildirib ki, süni intellektə əsaslanan yeni qurğular dizayn və funksionallıq baxımından ənənəvi smartfonlardan əhəmiyyətli dərəcədə fərqlənəcək.
"X"ə mesajları redaktə etmə xüsusiyyəti gəlir
Şirkətin proqram təminatı üzrə meneceri Enrique Barragan "X" üçün mesaj (DM) redaktə funksiyası üzərində işə başlayacağını açıqlayıb. Elon Musk bu paylaşıma emoji ilə cavab verərək inkişafı təsdiqləyib. Hazırda funksiyanın nə vaxt istifadəyə veriləcəyi ilə bağlı heç bir məlumat verilməyib, lakin yaxın bir neçə ay ərzində bəzi yeniliklərin ola biləcəyi bildirilib.
"Lenovo" yeni oyun noutbukunu təqdim edib
5,4 GHz-ə çata bilən 16 nüvəli və 32 yivli AMD Ryzen 9 7945HX prosessoru ilə təchiz edilmiş "Legion R9000P 2024" modeli NVIDIA RTX 4060 qrafik kartına malikdir. Kompüter 16 GB DDR5 yaddaş və 1 TB PCIe 4.0 SSD ilə təqdim olunub. Frost Blade Pro 5.0 adlı yeni soyutma həlli olan kompüterdə 80 Wh tutumlu batareya var. O, USB-A, HDMI 2.1, Ethenet, 3,5 mm qulaqlıqlar və 140 Vt-a qədər enerji doldurmağı dəstəkləyən USB-C bağlantı portuna malikdir.
Daha çox
Daily
kateqoriyasından
