Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Samsung" və "OpenAI" əməkdaşlıq edəcək?
"OpenAI" "Samsung"un "Galaxy AI" ekosisteminə inteqrasiya olunmaq üçün addımlar atır. Şirkətlər arasında bu istiqamətdə əməkdaşlıq danışıqlarının davam etdiyi məlum olub. OpenAI, Apple cihazlarında istifadə olunan süni intellekt texnologiyasını Galaxy cihazlarına da tətbiq etmək istəyir.
"Galaxy Z Flip FE"nin prosessoru bəlli oldu
"Samsung"un büdcəyə uyğun "Galaxy Z Flip FE" modeli haqqında yeni məlumatlar ortaya çıxıb. Etibarlı mənbələrə görə, bu cihaz "Galaxy S24 FE" modelində olduğu kimi Exynos 2400 prosessoru ilə təchiz ediləcək. 4 nm texnologiya ilə istehsal olunan prosessor, yüksək performans üçün ARM Cortex-X4, A720 və A520 nüvələrinə və Xclipse 940 qrafik çipinə sahibdir.
"Gemini" ilə tətbiqlərdəki bir sıra əməliyyatları yerinə yetirmək mümkün olacaq
"Tətbiq funksiyaları" API-si vasitəsilə istifadəçilər artıq tətbiqləri açmadan müxtəlif işlərini həll edə biləcəklər. Məsələn, "Gemini" vasitəsilə restoranlardan birbaşa yemək sifarişi vermək mümkün olacaq. "Apple" da iOS 18-də "Siri" üçün oxşar funksiyanı test edir və bu yeniliyin 2025-ci ildə təqdim olunacağı gözlənilir
"Valve" "Steam Deck 2"də "Nvidia GPU"dan istifadə edə bilər
"Valve"nin "Steam Deck 2"də "Nvidia GPU"dan istifadə ediləcəyi barədə iddialar ortaya çıxıb. Hazırda "Steam Deck" və digər daşına bilən oyun cihazları "AMD Ryzen APU"larla çalışır, lakin yeni "Arm64" testləri bu iddiaları gücləndirir. "Nvidia"nın 2025-ci ildə təqdim ediləcək "Arm" bazalı "SoC" üzərində işlədiyi və "Valve"nin buna maraq göstərdiyi bildirilir.
"Counter-Strike 2" zirvəni itirdi: Yeni lider açıqlandı!
12-19 noyabr 2024 tarixləri arasında ən çox satılan oyunların siyahısı "Steam" tərəfindən yeniləndi və liderlikdə dəyişiklik oldu. Siyahıya görə, "Electronic Arts"ın "EA SPORTS FC 25" oyunu ən çox satılan oyun olaraq zirvəyə yüksəlib.
Daha çox
Daily
kateqoriyasından
