"Reluxe Collection" startapı 102.000 manat investisiya alıb | DailyNews 04.08

iPhone 15 seriyasının təqdimat tarixi sızdırılıb

İddialar olsa da, iPhone 15 seriyası üçün Apple tədbirinin nə vaxt keçiriləcəyi indiyə qədər məlum deyildi. Tədbir ilə bağlı mənbələrdən verilən məlumata görə, təqdimatın sentyabrın 13-də baş tutacağı bildirilib. Sentyabrın 13-də təqdimatı olarsa, satışların təxminən 2 həftə sonra başlayacağını gözləmək olar. Xaricdə telefonun ilkin sifarişlərinin 15 sentyabrdan başlanacağı düşünülür.

Çoxdan gözlənilən xüsusiyyət nəhayət, Discord-a gəldi

İstifadəçi təcrübəsini yaxşılaşdırmaq üçün yeniliklər üzərində işləməyə davam edən Discord Xbox istifadəçiləri üçün yayım xüsusiyyətini açıqladı. Xbox konsol istifadəçiləri üçün çox istədikləri Discord xüsusiyyəti əlçatan olacaq. Bildirilib ki, artıq Discord-da oyunu yayımlamaq mümkün olacaq.

Apple CEO-su Tim Cook-dan yeni süni intellekt açıqlaması

Son zamanlardakı danışıqları ilə CEO Tim Cook süni intellekt mövzusunda prosesdən geri qalmadıqlarını bildirib. “Biz illərdir generativ süni intellekt də daxil olmaqla, müxtəlif süni intellekt texnologiyalarını araşdırırıq. İnsanların həyatını zənginləşdirməyə kömək etmək üçün bu texnologiyalara sərmayə qoymağa, məhsullarımızı məsuliyyətlə yeniləməyə və inkişaf etdirməyə davam edəcəyik". Qeyd edək ki, şirkət çıxış tarixi bilinməsə də, öz süni intellekt modeli olan “Apple GPT” üzərində işləyir.

"Reluxe Collection" startapı 102.000 manat investisiya alıb

"Reluxe Collection" lüks brendlərə məxsus geyim və aksesuarların alış-satış platformasıdır. Azərbaycan startapı "AGA Group" və "Lotfi Zadeh Technology Center"dən 60.000 $ (102.000 AZN) dəyərində investisiya alıb. Şirkət bu məlumatı 2 il boyunca bu yolda əməyi keçənlərə təşəkkür edərək öz hesablarında bildirib.

Boyanması 370 saat çəkən Lamborghini Huracan Sterrato "Opera Unica" təqdim edildi

Lamborghini hər il yubileyində xüsusi olaraq hazırlanmış avtomobilləri ilə çıxış edir. Şirkət 50 illik yubileyini qeyd edərkən bir nəfərlik “Egoista” modelini təqdim etdi və bu avtomobillə diqqəti cəlb etməyi bacardı. İndi 60 illik yubileyinə görə şirkət Huracan Sterrato “Opera Unica” modelini təqdim etdi. Uzun adı ilə diqqət çəkməyi bacaran Lamborghini Huracan Sterrato "Opera Unica"nın boyanması 370 saat çəkib.