Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"OPPO"dan oyun performansını artıracaq yeni texnologiya!
"OPPO" oyun təcrübəsini yeni səviyyəyə qaldıracaq “Venom” adlı xüsusiyyət üzərində işləyir. Bu texnologiya gecikməni azaltmaq və enerjidən səmərəli istifadə etmək üçün nəzərdə tutulub. “Venom” cihazın çip arxitekturası ilə birbaşa işləyərək həm yüksək performans, həm də enerji qənaəti təmin edəcək. İlk dəfə "OnePlus Ace" cihazında tətbiq ediləcəyi gözlənilən bu xüsusiyyətin "OPPO" telefonlarına nə vaxt gələcəyi hələ dəqiq deyil.
"Instagram" DM düyməsinin yerini dəyişir
Yeni funksiyanın məqsədi istifadəçilərin istənilən səhifədən DM bölməsinə daha tez daxil olmasını təmin etməkdir. "Instagram" rəhbəri Adam Mosseri, bu dəyişikliklə istifadəçi təcrübəsinin daha yaxşı olacağını qeyd edib.
"Huawei Mate 60" seriyası satış rekordu qırıb
"Huawei Mate 60" seriyası həm Çində, həm də beynəlxalq bazarda 14 milyondan çox satışla rekord əldə edib. Şirkətin məlumatına görə, bu uğur yalnız noyabrın əvvəlindəki çatdırılma göstəricilərinə əsaslanır və Çindəki güclü satış mövsümü ilə rəqəmlərin artacağı gözlənilir. "FreeBuds Pro 4" əvvəlki modellərə bənzər dizayna malik olmaqla yanaşı, "Huawei Sound" texnologiyasını dəstəkləyəcək. Yeni əməliyyat sisteminə sahib cihazların 2025-ci ilin əvvəlində geniş istifadəyə verilməsi gözlənilir.
"Samsung Galaxy A56" görüntüləri sızdırılıb
"Samsung"un orta seqmentdəki modeli olan "Galaxy A56"nin ilk dizayn görüntüləri sızdırılıb. Şirkətin bu modeldən sonra orta seqment cihazlarda 45W sürətli şarjı standart halına gətirəcəyi gözlənilir.
"Huawei" "FreeBuds Pro 4" ilə yeni bir dövr başladır...
"Huawei" "HarmonyOS Next" əməliyyat sisteminə sahib olan ilk simsiz qulaqlıq modeli "FreeBuds Pro 4"ü təqdim etməyə hazırlaşır. Şirkətin 26 noyabrda keçirilməsi planlaşdırılan tədbirində, bu qulaqlıqlar ilə yanaşı "Mate 70" seriyası və yeni "Mate X6" qatlanan cihazı da təqdim olunacaq.
Daha çox
Daily
kateqoriyasından
