Jeff Bezos 5 milyard dollar dəyərində "Amazon" səhmlərini satdı! | Bu günün xəbərləri

Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!

"Samsung"un ilk 3nm çipi “Exynos W1000” rəsmi olaraq təqdim edildi

"Samsung" əksər cihazlarında xaricdən alınan prosessor və çiplərdən istifadə etsə də, öz çipləri üzərində də işləməyə davam edir. Şirkətin çoxdan gözlənilən 3nm prosessorları nəhayət rəsmi olaraq ortaya çıxdı. “Exynos W1000” prosessorlarının “Galaxy Watch 7” və “Galaxy Watch Ultra” ilə birgə gəlməsi gözlənilir.

"Exynos" "Samsung Foundry"nin ikinci nəsil 3nm arxitekturası ilə qurulub. Bu, çiplərdə istifadə edilən arxitektura modelinin SF3 olduğunu göstərir. Bu güclü prosessor beş nüvəyə malikdir. Bu nüvələr 1x Cortex-A78 və onu müşayiət edən 4xCortex-A55 nüvələrindən ibarətdir.

Exynos W1000 həmçinin 2.5D Always on Display funksiyasına malikdir. Çipin digər xüsusiyyətlərinə Bluetooth LE, LPDDR5 RAM, 4G LTE, Bluetooth, Wi-Fi b/g/n, GPS və NFC daxildir.

"BakuBus" daha bir marşrut xəttini istifadəyə verib

‍"BakuBus" 121 E nömrəli müntəzəm marşrut xəttini istifadəyə verib. Avtobuslar 12 dəqiqə intervalla "Əhmədli" metrostansiyası ilə Hövsan Yaşayış Kompleksi arasında hərəkət edəcək. Gedişhaqqı 70 qəpikdir.

Jeff Bezos 5 milyard dollar dəyərində "Amazon" səhmlərini satdı!

‍Jeff Bezos ümumi dəyəri 5 milyard dollar olan “Amazon” səhmini satmaq qərarına gəlib. Nəhəng satış məşhur milyarderin bu il etdiyi ikinci səhm satışı olub. Bezos sonuncu dəfə fevral ayında 8,5 milyard dollarlıq səhm satmışdı. O, yeni satışla birgə son 5 ayda 13 milyard dollar dəyərindəki səhmi nağd pula çevirib. Onun səhmləri niyə satdığı ilə bağlı dəqiq məlumat verilməyib.

“Samsung Galaxy Z Flip 6”nın şəkilləri ortaya çıxıb

‍“Samsung Galaxy Z Flip 6” modeli üçün yeni görüntülər ortaya çıxıb. Sızdırılan məlumatlara görə, “Galaxy Z Flip 6” - 6,7 düymlük 1080×2640 Dinamik AMOLED 2X displey, kənarda isə 3,4 düymlük 720×748 Super AMOLED displeyə sahib olacaq. Qeyd olunub ki, Snapdragon 8 Gen 3 prosessoru ilə təchiz ediləcək telefon üçün 256 GB və 512 GB yaddaş variantları təklif ediləcək.

"Apple"ın "Game Porting Toolkit" tətbiqi yeniləndi

Yeni versiya Windows oyunlarını macOS üçün uyğunlaşdıran tətbiqin iOS ilə birgə işləməsini təmin edir. Başqa sözlə, AAA oyunlarını artıq iPhone və iPad-lərə asanlıqla uyğunlaşdırmaq mümkün olacaq.