iPhone sahiblərinə şad xəbər: "Final Cut Camera" təqdim olundu! | Bu günün xəbərləri

Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!

"Instagram"da sadəcə "Yaxın Dostlar"a canlı yayım açmaq mümkün olacaq

Bu yeni xüsusiyyət vasitəsilə istifadəçilər yalnız "Yaxın dostlar" siyahısında olan istifadəçilərin daxil ola biləcəyi canlı yayımlar aça biləcəklər. "Yaxın dostlar" siyahısındakı istifadəçilər üçün canlı yayım başladıqda hekayələrdə olduğu kimi yaşıl çərçivə görünəcək. Bundan əlavə bildirişdə açıq şəkildə qeyd olunacaq ki, sözügedən canlı yayım "Yaxın dostlar" üçündür.

iPhone sahiblərinə şad xəbər: "Final Cut Camera" təqdim olundu!

‍

Peşəkar səviyyəli parametrlərlə video çəkiliş təklif edən "Final Cut Camera" iPhone və iPad üçün buraxılıb. Tamamilə yeni "Live Multicam" funksiyası ilə istifadəçilər eyni anda dörd kameraya simsiz qoşula və hamısını bir yerdə görə bilər.

"Final Cut Pro 2" ilə gələn canlı multi-kamera funksiyasından istifadə etmək üçün siz iPhone və ya iPad-də "Final Cut Camera" yükləməlisiniz. IPad üçün "Final Cut Pro 2"də təqdim edilən canlı multi-kamera funksiyası istifadəçilərin 4 iPhone və ya iPad-i eyni anda görüntüləməsinə imkan verir.

"Adobe" qərarından geri döndü!

‍“Adobe” son aylarda dərc edilən və tənqidlərə səbəb olan xidmət şərtləri siyasətini yeniləyərək, süni intellekt əlavə etmək üçün istifadəçilərin paylaşımlarından istifadə etməyəcəyini açıqlayıb. Bununla belə, hələ də bəzi rəssamlar "Adobe"yə etibar etmirlər.

Daha çox Android telefonları mesajlarda “Gemini” istifadə edə biləcəklər

‍"Google" "Google Message" vasitəsilə “Gemini”yə daxil ola bilən Android telefonlarının sayını genişləndirir. Məlum olduğu kimi, əvvəllər bu funksiya yalnız müəyyən "Pixel" və "Samsung Galaxy" seriyalı telefonlarda mövcud idi.

Ən əsası, telefonunuzda 6 GB və ya daha çox RAM olmalıdır. Əlavə olaraq, "Gemini"dən istifadə etmək üçün "Messages"in ən son versiyasına "Family Link" və ya "Google Workspace" hesabı tərəfindən idarə olunmayan şəxsi hesabla daxil olmalısınız və "Gemini"ni dəstəklədiyi 165 ölkədən birində olmalısınız.

"YouTube Music" yenilənib

‍"YouTube Music" bu dəfə yenilənmiş veb dizaynı ilə gəlir. Veb interfeysində albomlar və çalğı siyahıları üçün yeni dizayn təqdim olunub. Bu yeniliklər musiqi dinləmək təcrübənizi daha da zövqlü etmək üçün nəzərdə tutulub.