Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Nintendo Switch 2"nin sirli aksesuarı üzə çıxıb
"Nintendo" yeni nəsil konsolu "Switch 2" ilə maraqlı aksesuar təqdim etməyə hazırlaşır. FCC sənədlərinə görə, CLO-001 kodu ilə tanınan cihaz kiçik, kuba bənzər bir quruluşa sahib olacaq. Sənədlərdə olan məlumatlar göstərir ki, bu aksessuarda təkrar doldurulan batareya ola bilər.
"Razer Kraken V4 Pro" qulaqlığı təqdim olundu
"Razer" bu həftə sonu keçirilən "Razercon 2024" tədbirində yeni qulaqlıq "Razer Kraken V4 Pro"nu təqdim etdi. Şirkətin yeni qulaqlıq modeli həm dəbli dizaynı, həm də oyunçuları cəlb edən funksional xüsusiyyətləri ilə diqqət çəkib. Kraken V4 seriyasının ən yeni üzvü olan Razer Kraken V4 Pro, Razer Sensa HD Haptics və Razer Chroma RGB ilə təchiz edilib. OLED idarəetmə mərkəzinə sahib olan qulaqlıq Kraken V4 və Kraken V4 X modelləri ilə birlikdə Kraken seriyasını tamamlayır.
"Apple" 2025-ci ildə yeni ağıllı ev cihazlarını təqdim edəcək
"Apple" ağıllı ev texnologiyasında əhəmiyyətli bir yenilik etməyə hazırlaşır. Texnologiya nəhənginin 2024-cü ildə təqdim etməyi planlaşdırdığı yeni cihazlar iPad-ə bənzər böyük ekranlara və tamamilə yeni əməliyyat sistemi olan homeOS-a sahib ola bilər. İlk növbədə, yeni seriyanın ən diqqət çəkən məhsullarından biri J595 kod adı altında hazırlanmış böyük ekranlı cihaz olacaq. Cihaz evdə müxtəlif cihazlarla inteqrasiya olunmuş şəkildə işləyəcək və mexaniki hissələri sayəsində evdə funksionallığı artıracaq. Şirkətin ağıllı ev texnologiyalarında istifadə edəcəyi bu cihaz iPad-in bütün funksiyalarını və hətta daha çoxunu evlərə gətirəcək.
"Ferrari"nin ilk elektrik avtomobilinin buraxılış tarixi açıqlanıb
"Ferrari"nin baş direktoru Benedetto Vigna markanın ilk elektrik avtomobilinin buraxılış tarixini açıqlayıb. Turində keçirilən İtalyan Texnologiya Həftəsində həyəcanlı açıqlamalar verən Vigna, ilk elektrikli avtomobilin 2025-ci ilin sonuna doğru təqdim ediləcəyini bildirib.
"Nintendo Switch 2"nin təqdimat tarixi məlum oldu
Ortaya çıxan bəzi hesabatlara görə, yeni "Nintendo Switch 2" 2025-ci ilin mart ayında buraxılacaq. Bununla belə, yeni oyun konsolunun 400-500 dollara satışa çıxarılaçağı iddia olunub.
Daha çox
Daily
kateqoriyasından
