Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Cristiano Ronaldo əfsanəvi oyun seriyasına qoşulur
Cristiano Ronaldo "Fatal Fury"nin yeni istehsalı olan "Fatal Fury: City of the Wolves" oyununda yer alacaq. Ronaldonun oyuna necə inteqrasiya olunacağı hələlik məlum deyil. Bununla belə, məşhur futbolçunun yer aldığı xüsusi treyler paylaşılıb.
"Steam" ilin ən çox satılan oyununu açıqlayıb
Çıxışından qısa müddət keçməsinə baxmayaraq, "Black Myth: Wukong" 2024-cü ilin ən çox satılan oyunu olub. Oyun bir neçə həftə ərzində "Steam" platformasında 20,3 milyon satışa çatıb.
Yenilənmiş "Siri" nə vaxt təqdim olunacaq?
"Apple Intelligence" süni intellekt modelindən istifadə edəcək "Siri"nin gözləniləndən daha tez gələcəyi iddia edilib. "Bloomberg"dən Mark Qurmanın sözlərinə görə, yeni "Siri" funksiyaları iOS 18.3 ilə birgə gələcək. Qeyd edək ki, əvvəllər bu xüsusiyyətlərin iOS 18.4 ilə gələcəyi proqnozlaşdırılırdı.
"X" Braziliyada yenidən əlçatan ola bilər
“The New York Times” qəzetinin məlumatına görə, "X" Braziliya Məhkəməsinin tələb etdiyi şərtləri yerinə yetirmək üçün bir sıra addımlar atıb. Bununla belə, "X" hələ də məhkəmənin tələb etdiyi bütün sənədləri doldurmayıb. Buna uyğun olaraq şirkətə beş gün vaxt verildiyi bildirilib.
Braziliyada bir çox istifadəçi son həftələrdə "X" platformasına daxil olmaq üçün VPN-lərdən istifadə etməyə başlayıb. Bu vəziyyətə cavab olaraq hakim Moraes VPN-lərdən istifadə edənlərə 8900 dollar cərimə tətbiq oluna biləcəyini açıqlayıb. Qeyd edək ki, "X"in Braziliyada nə vaxt istifadəyə veriləcəyi hələlik bəlli deyil.
"Google TV" tətbiqi tamamilə yeniləyir
"Google TV" Android tətbiqinin yuxarı hissəsini yenidən təşkil etmək qərarına gəlib. Yeni interfeys ilə "Google TV" markası yuxarı sol küncə köçürülür və vizualların daha yuxarıda görünməsi üçün yenilənir.
Daha çox
Daily
kateqoriyasından
