Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
575 min dollarlıq "Ferrari" avtomobildə unudulmuş AirPods sayəsində tapıldı
Bu yaxınlarda Qrinviç şəhərində Ferrari 812 GTS model avtomobili oğurlanıb. Polis avtomobildə unudulan AirPods qulaqlıqlarının yerini tapmaq üçün "Find My" proqramından istifadə edib. Bu xüsusiyyət sayəsində polis oğurlanan avtomobilin yerini asanlıqla tapa bilib.
AZAL Naxçıvana onlayn aviabilet alışında “SİMA İmza”nı tətbiq edib
AZAL bu gündən Naxçıvan istiqamətində aviabiletlərin onlayn alışı zamanı SİMA rəqəmsal imza tətbiq etməyə başlayıb. Bu yenilik sözügedən istiqamət üzrə aviabiletlərin əldə edilməsi prosesinin rəqəmsallaşdırılması və şəffaflığın artırılması məqsədini daşıyır.
AZAL-ın rəsmi internet saytı və mobil tətbiqi vasitəsilə bilet almaq istəyən sərnişinlər yalnız “SİMA İmza” ilə şəxsiyyətlərini təsdiq etdikdən sonra əməliyyatı həyata keçirə bilərlər. Bu sistem yüksək təhlükəsizlik standartlarına cavab verir və bütün əməliyyatlar müasir texnoloji həllərlə qorunur.
“SİMA İmza”dan istifadə etmək üçün sərnişinlər öncə SİMA tətbiqini yükləyib qeydiyyatdan keçməlidirlər. Proses cəmi bir neçə dəqiqə çəkir. Bundan sonra Bakı-Naxçıvan-Bakı marşrutu üzrə reyslərə aviabiletləri asanlıqla onlayn almaq mümkündür.
"Star Wars Outlaws" oyununun satış rəqəmləri açıqlanıb
"Ubisoft"un çoxdan gözlənilən "Star Wars Outlaws" oyunu gözləntiləri qarşılaya bilməyib. Oyun çıxdığı gündən etibarən bir ay ərzində cəmi 1 milyon satmağı bacarıb. Bu rəqəm şirkətin gözləntilərindən xeyli aşağı olub.
"Google Meet" artıq Android və Google TV-də olmayacaq
"Google Meet" Android TV və Google TV cihazlarından silinəcək. Qeyd edək ki, "Google Meet" ilk dəfə 2020-ci ildə Android TV-yə əlavə edildi, beləliklə istifadəçilər televizorlarına veb-kamera qoşaraq böyük ekranda video zənglər edə bilirdilər.
"Renault 4 E-Tech"in dizaynı paylaşılıb
"Renault" oktyabrın 14-də təqdim edəcəyi "4 E-Tech"in rəsmi görüntülərini paylaşıb. Şirkət tərəfindən paylaşılan şəkillər, simvolik dizaynın nisbətən qorunub saxlanacağını, lakin yeni "Renault 4 E-Tech"in müasir görüntüyə sahib olacağını ortaya qoyub.
“AzInTelecom” 24 mindən çox “klon” IMEI kodu bloklayıb
“AzInTelecom” MMC Azərbaycana gətirilən mobil cihazların qanunsuz yollarla qeydiyyatdan keçirilməsinə qarşı mübarizə tədbirlərini davam etdirir. Mütəmadi monitorinqlər nəticəsində surəti köçürülmüş IMEI kodlar aşkarlanaraq onlara “klon” statusu verilir. “Klon”laşdırılmış IMEI kodlarla istifadə olunan cihazlara məhdudiyyət tətbiq olunur.
Mübarizə tədbirləri çərçivəsində bu günədək 24 375 IMEI koda “klon” statusu verilərək bloklanıb. Həmin IMEI kodlar bloklanmamışdan əvvəlki 3 ayda 1 570 842 ədəd mobil nömrəyə aid abunəçi kimliyi ilə şəbəkədə görünüb. Bloklanmış IMEI kodlarla bu günədək 1 157 111 dəfə şəbəkəyə qoşulma cəhdinə “AzInTelecom”un Mobil Cihazların Qeydiyyat Sistemi (MCQS) tərəfindən imtina cavabı verilib.
"WhatsApp" video zəngləri üçün 10 filtr və fon əlavə edilib
İstifadəçilər bu xüsusiyyət vasitəsilə arxa fon görüntüsünü istədikləri kimi dəyişə bilərlər. Yeni fonlardan istifadə etmək üçün video zəng zamanl ekranın yuxarı sağ hissəsindəki effekt ikonalarını seçdikdən sonra filtrləri və fon seçimlərini istədiyiniz kimi tətbiq edə bilərsiniz.
"Paint" "Photoshop"a bənzər AI xüsusiyyətləri əldə edəcək
"Paint" yeni süni intellekt xüsusiyyətləri ilə yüksək səviyyəli təcrübə təqdim edəcək. Yeni xüsusiyyətlər arasında "Generative Fill" və "Generative Erase" adlı AI alətləri yer alacaq.
Daha çox
Daily
kateqoriyasından
