Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Əzilmiş kağızlar süni intellekt memarlığına çevrilib
Dizayner Tim Fu əzilmiş kağızların formalarını məşhur memarların üslubları ilə birləşdirən süni intellekt dizaynları yaradıb. Tim Fu bu yeni layihəni dizaynerlər və memarlar üçün süni intellekt platforması olan LookX ilə hazırlayıb. O, əvvəla əziş-büzüş kağız şəkillərini proqrama yükləyib. Daha sonra müxtəlif məşhur memarlıq əsərlərini LookX-ə verdiyi əmrlərə əlavə etməklə inanılmaz nəticələr əldə etməyi bacarıb.
Linda Yaccarino Apple və daha bir çox şirkətin reklamları bloklaması haqqında danışdı
ABŞ-da yerləşən Apple və dünyanın ən mühüm texnologiya şirkətlərindən biri olan IBM bəzi digər şirkətlərlə birlikdə X-də reklamı tamamilə dayandırıb. Bu mövzuda məqalə paylaşan X CEO-su Linda Yaccarino Apple və digər şirkətlərin daimi deyil, müvəqqəti olaraq reklamları dayandırdığını bildirib. Bildirilib ki, Musk və Yaccarino mühüm gəlir mənbəyi olan reklamçıları geri qazanmaq üçün işlər görməyə davam edir.
Məlum olub ki, "Spotify" və "Google" arasında gizli razılaşma var
"Epic Games" və "Google" arasındakı məhkəmə prosesi ilə "Spotify" və "Google" arasında gizli razılaşma olduğu ortaya çıxıb. Bu müqavilə sayəsində istifadəçilər "Spotify"ın öz sistemi vasitəsilə abunəlik əldə etdikdə, "Google"a komissiya ödəmir. İstifadəçilər "Google"un öz ödəniş sistemi vasitəsilə ödəniş edərlərsə, "Spotify" yalnız 4 % komissiya ödəyir ki, bu da "Google"un çox vaxt tətbiq etdiyi 15 faizlik endirimdən əhəmiyyətli dərəcədə aşağıdır.
“Touch OLED” ekranlı MacBook-lar gəlir!
“Apple” ötən ayın sonunda keçirilən “Scary Fast” tədbirində M3, M3 Pro və M3 Max prosessorlu yeni MacBook modellərini təqdim etdi. Bildirilib ki, marka OLED ekran mövzusunda tələsmək istəmir. Bundan əlavə, şirkət gələcəkdə buraxılacaq OLED MacBook-lara sensor ekran texnologiyasını gətirmək üçün işlərini davam etdirir. Beləliklə, toxunma OLED ekranlı MacBook-lar üçün qarşıda bizi daha bir neçə il gözləyir.
iPhone 16 seriyası üçün yeni kamera və batareya məlumatları gəlib
2024-cü ilin sonunda satışa çıxarılacaq iPhone 16 seriyası üçün yeni kamera və batareya məlumatları gəlib. Yeni məlumatlara görə, iPhone 16 seriyasındakı 16 Pro, 16 Pro Max ilə ortaq 5x optik zooma sahib “Tetraprizma” telefoto kamerasına sahib olacaq. Yeri gəlmişkən, 16 Pro-da istifadə olunacaq batareya da bu gün gündəmdədir. Əvvəlkilər kimi "L" şəklində dizayn edilmiş yeni batareya şarj və yüklənmə zamanı daha soyuq qaldığı bildirilib.
Daha çox
Daily
kateqoriyasından
