Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
YouTube-da nə izləyəcəyini bilməyənlər üçün yeni funksiya gəlir
Nə izləmək istədiyinə qərar verə bilməyənlər üçün istifadəyə veriləcək yeni funksiya "Play Something" düyməsi olaraq adlanır. Bu düymə vasitəsilə istifadəçilər hansı videoya baxacaqlarına qərar vermədən düyməyə basdıqda açılan videoyu izləyə biləcəklər. Bildirilib ki, hansı videoların sizə təqdim olunacağı əvvəl baxdığınız videolara əsasən seçiləcək.
Xbox-da süni intellekt tərəfindən hazırlanmış oyunlar da olacaq
Microsoft oyunların inkişaf prosesinə tamamilə təsir edəcək yeni bir addım atıb. Xbox süni intellekt şirkəti Inworld AI ilə müqavilə bağlayıb. Bu razılaşma ilə Xbox inkişaf etdiriciləri süni intellektin köməyi ilə oyunlarında yan personajlar (NPC), hekayələr, missiyalar və dialoqlar yarada biləcəklər.
OpenAI ChatGPT istifadəçilərinin sayını açıqlayıb
Baş direktor Sam Altmanın sözlərinə görə, ChatGPT-nin dünya üzrə həftəlik 100 milyon istifadəçisi var. Altman həmçinin qeyd edib ki, hazırda 2 milyondan çox tərtibatçı şirkətin alətlərindən istifadə edərək süni intellekt texnologiyaları üzərində işləyir. Qeyd edək ki, dünyanın ən uğurlu şirkətlərinin 92%-i də süni intellektin məhsullarından faydalanır.
LEGO blokları ilə "50 Birds" çap seriyası təqdim edilib
Hollandiyada yaşayan rəssam, dizayner və çap ustası Roy Scholten-i tanıyaq. Roy Scholten LEGO bloklarından qəlib kimi istifadə etdiyi “50 Birds” adlı yeni çap seriyasını təqdim edib. Rəssam əvvəlki çaplardan əldə etdiyi təcrübələrdən sonra bacarıqları artdıqca daha çətin üsulları sınamağa başlayıb. O, qələm və ya adi çap maşınları əvəzinə LEGO-dan əyri dimdiklər, uzun quyruqlar və yumru qarınlar yaratmaq üçün istifadə edir.
WhatsApp-a tarixə görə mesaj axtarış xüsusiyyəti gəlməyə başlayıb
Şirkət xüsusilə istifadəçi təcrübəsini təkmilləşdirmək və istifadəçilərin söhbətlərini tez tapmasını asanlaşdırmaq üçün yeni panel və qrup söhbət filtrinin tətbiqi üzərində işlədiyini elan etmişdi. Çoxdan gözlənilən xüsusiyyət bu gündən etibarən bir çox beta istifadəçiləri üçün əlçatan olub. Yeni funksiyanın tezliklə bütün istifadəçilər üçün də əlçatan olacağı qeyd olunub.
Daha çox
Daily
kateqoriyasından
