Elon Musk: “Hazırda möhtəşəm sosial şəbəkə platforması yoxdur”
Elon Musk "X"də etdiyi paylaşımda hazırda möhtəşəm bir sosial şəbəkə platformasının mövcud olmadığını qeyd edib. O, Twitter-i satın almaqla platformanı "hər şeyin tətbiqi"nə çevirmək istəyir. Bununla bağlı, bu sözləri paylaşımına əlavə edib: "Çoxlarının proqnozlaşdırdığı kimi uğursuz ola bilərik, lakin ən azı bir yaxşı platformaya sahib olmaq üçün əlimizdən gələni edəcəyik".
"Apple Shortcuts" ilə "Tesla"nı Siri ilə idarə etmək artıq mümkündür
Yeniləmə ilə "Tesla" proqramı indi "Apple Shortcuts" ilə inteqrasiya edib. Bu da sürücülərə sadəcə Siri-dən istifadə etməklə avtomobillərinə müxtəlif əmrləri yerinə yetirmək üçün göstəriş verməyə imkan verir. Beləliklə, Siriyə bildirərək “Tesla”nın qapısını, baqajı və ya şarj portunu açıb bağlaya bilərsiniz.
WhatsApp-da foto və videolara əlavə olunan mətnlər redaktə oluna biləcək
WhatsApp daha bir yeniləməni elan etdi. Yeniləmə ilə fotoşəkillər, videolar və ya sənədlərin altına əlavə olunan mətnlər redaktə edilə biləcək. Bu funksiyadan istifadə etmək üçün WhatsApp-ın ən son yeniləməsinə sahib olmalısınız. Qeyd edək ki, mətni redaktə etmək yalnız ilk 15 dəqiqə ərzində mümkün olacaq.
“Xiaomi” süni intellektlə dəstəklənən ağıllı masaj kreslosunu təqdim etdi
“Xiaomi Mijia Smart” masaj kreslosu masaj zamanı bədənin müəyyən hissələrinə ən uyğun təzyiqi tətbiq etmək üçün süni intellekt texnologiyasından istifadə edir. Altı fərqli masaj növünü özündə cəmləşdirən oturacaq uzaqdan idarəetmə və səs əmri ilə tənzimlənə bilər. Masaj kreslosunu həmçinin “Xiaomi” tətbiqi ilə də idarə etmək mümkündür.
Meta bu həftə “Threads” veb-saytını əlçatan edə bilər
“Threads” iyul ayında çox populyar olsa da, bir sıra məhdudiyyətlər ilə istifadəçilərə təqdim edilmişdi. Hazırda “Threads” yalnız iPhone və Android-də mövcuddur, lakin bu vəziyyət dəyişmək üzrədir. The Wall Street Journal xəbər verir ki, Meta bu həftənin əvvəlində “Threads”in veb-saytını təqdim edəcək. Zuckerberg həmçinin daha yaxşı axtarış sisteminə keçmək üçün yeni xüsusiyyətlər üzərində işləyir.
Adobe şirkətinin həmtəsisçisi Con Uornok vəfat edib
Adobe şirkətinin həmtəsisçisi Con Uornok 82 yaşında vəfat edib. Əfsanəvi proqramçının ölüm səbəbi ilə bağlı heç bir açıqlama verilməyib. O 1982-ci ildə partnyoru Çarlz Geşke ilə birlikdə Adobe şirkətini qurmuşdu. Şirkət illər ərzində Acrobat Reader və Photoshop kimi bir sıra proqram təminatı ilə mövcudluğunu genişləndirdi. Con Uornok şirkət üçün bütün bu inkişaf dövründə yer alan önəmli adlardan biri idi.
Daha çox
Daily
kateqoriyasından
