Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Xiaomi ilk avtomobil modeli üçün sınaq mərhələsinə başlayıb
Xiaomi Çində yerləşən Milli İnkişaf və İslahat Komissiyasının (NDRC) elektrikli avtomobil istehsalına icazə verməsi ilə gündəmə gəlib. NDRC Çinin avtomobil sektorunda yeni investisiyaları təsdiq edən dövlət orqanıdır. Xiaomi-nin buradan təsdiq alması onun ilk avtomobilinin istehsala buraxılması üçün mühüm amillərdən biridir. Bununla belə, şirkət hələ də bazara çıxmaq üçün bütün lazımi təsdiqləri almayıb.
Google Workspace fayl kilidləmə funksiyasını elan edib
Google Workspace istifadəçiləri öz fayllarını və ya müxtəlif sənədlərini başqaları ilə paylaşa bilirlər. Sənədi redaktə etmək imkanı olan hər kəs hətta fayl sahibinin icazəsi olmadan da istədiyi redaktəni edə bilir. Google indi bu vəziyyətin qarşısını almağa qərar verib. Yayımladığı bloq yazısında o, fayl kilidləmə funksiyasını inkişaf etdirdiyini və tezliklə istifadəyə verəcəyini açıqlayıb.
Köhnə təkərdən mini motosiklet hazırlanıb
Make It Extreme komandası şəxsi nəqliyyat vasitələrinin dizaynı ilə məşğuldur. Onlar bu dəfə köhnə avtomobil təkərindən "Monotrack Bike" adlı mini motosiklet hazırlayıb. Video komandanın “Make it Extreme Shorts” YouTube kanalında paylaşılıb. Komanda öz məqsədlərini belə izah edir: “Kanalımız emalatxanamızda strukturların necə hazırlandığını göstərməklə izləyicilərimizə ilham, ideya və əyləncə təqdim etmək məqsədi daşıyır".
Apple Vision Pro bütün iPhone proqramlarına sahib olacaq
“iPhone 15” və daha çoxunun təqdim olunacağı Wonderlust təqdimatına günlər qalıb. Burada təqdim olunacaq ən maraqlı məhsullardan biri də Apple Vision Pro-dur. Apple bildirib ki, bu eynəklər VisionOS əməliyyat sistemi üçün hazırlanmış xüsusi proqramları ehtiva edən yeni App Store mağazası ilə gələcək. Bu App Store iPad və iPhone proqramlarına sahib olacaq.
Samsung-un ən böyük ekranlı televizoru təqdim edildi
Samsung-un ən böyük ekranlı televizoru CEDIA Expo 2023 tədbirində təqdim edilib. 98 düymlük Class QN990C Neo QLED 8K televizor modelinin istehsalı Samsung üçün yeni dövrün başlanğıcı hesab olunur. Samsung-un süni intellektin dəstəyi ilə istehsal etdiyi 8K keyfiyyətli televizorun sentyabrın 15-də satışa çıxması gözlənilir.
GoPro Hero 12 Black təqdim edildi
GoPro Hero 12 Black adlı yeni aksiyon kamerasını təqdim etdi. Bu model öncəki Hero 11 Black-ə nisbətdə iki dəfə daha uzun batareya ömrü təqdim edərək, bir şarjla 5.3K keyfiyyətdə 70 dəqiqə çəkiliş edə bilir. Maraqlısı odur ki, batareya 1.720 mAh həcmində ötən model ilə eyni qalıb. Bu GoPro-nun batareyada vacib təkmilləşdirmələr etdiyini göstərir. Yeni kameraya əlavə olunmuş xüusiyyətlərdən biri də bluetooth dəstəyidir. Bu o deməkdir ki, siz eyni vaxtda Bluetooth qulaqlıqları vasitəsilə səs yaza bilərsiniz.
Daha çox
Daily
kateqoriyasından
