Türkiyənin yeni unicorn şirkəti
Xaricdəki sərmayələrinin bəhrəsini alan Papara, dəyəri 1 milyard dolları keçən Türkiyənin 7-ci Unicorn şirkəti olub. Papara-nın "unicorn" olması İspaniyaya yatırılan sərmayələrin nəticəsində baş verib. Madriddə yerləşən ispan şirkəti Rebellion-u almaqla şirkət beynəlxalq xidmətinin əsasını qoyub. Bu, onun dəyərinin artmasına və 1 milyard dollar səviyyəsini keçməsinə imkan yaradıb. Türkiyədə Peak Games, Getir, Dream Games, Hepsiburada, Trendyol, Insider və Papara kimi 7 "unicorn" şirkəti mövcuddur.
Elon Musk tam avtonom sürücülük üçün tarixi açıqlayıb
Elon Musk, il sonuna qədər insan nəzarətinə ehtiyac olmayan tam avtonom sürücülük səviyyəsinə çatacaqlarını açıqlayıb. O bildirib ki, bu texnologiya səviyyə 5 adlandırıla bilər. Səviyyə 5 avtonom idarəetmə, səviyyə 4-dən fərqli olaraq, bütün yol şəraitində vəziyyəti idarə edə bilir. Bu qədər ciddi fərq olsa da, Elon Musk-ın bu izahı mütəxəssislər tərəfindən müzakirə səbəbi olub.
Formula 1 filmində istifadə olunacaq avtomobilin dizaynı ilk dəfə paylaşılıb
“Apple” şirkətinin çəkdiyi, baş rolda Brad Pitt-in olduğu “Formula 1” filmi gəlir. Filmdə görəcəyimiz əsas avtomobilin dizaynı paylaşılıb. Avtomobil filmdə uydurulan APXGP komandasının avtomobili olacaq. Avtomobilin dizaynı indiki Formula 1 avtomobillərindən fərqli bir quruluşa malikdir.
DigitalOcean 111 milyon dollara Paperspace startapını satın alıb
DigitalOcean 111 milyon dollara süni intellekt inkişaf etdirmə startapı Paperspace-i satın alıb. DigitalOcean, xüsusilə kiçik və orta bizneslərə, tərtibatçılara və startaplara yönəlmiş bulud təminatçısı kimi tanınır. 2014-cü ildə Daniel Kobran və Dillon Erb tərəfindən qurulan Paperspace DigitalOcean daxilində müstəqil biznes bölməsi olaraq qalacaq. DigitalOcean-ın baş direktoru Yancey Spruill bildirib ki, Paperspace-in infrastrukturu və alətlərinin DigitalOcean-ın məhsulları ilə inteqrasiyası istifadəçilərə süni intellekt tətbiqlərini daha asan sınaqdan keçirməyə imkan verəcək.
Netflix-in sevimli xüsusiyyəti Youtube-a gəlir?
YouTube videolara baxarkən təsadüfi toxunuşların qarşısını almaq üçün ekran kilidi funksiyası üzərində işləyir. Video player-i söndürəcək bu yenilik, ekrana toxunduğunuz zaman videonu irəli və ya geri çəkməyəcək. Yeni xüsusiyyət birinci mərhələdə premium abunəçilərə təklif olunacaq.
Threads-də 95 milyondan çox post paylaşılıb
Mark Zuckerberg bildirib ki, cümə axşamı tətbiqin 30 milyondan çox qeydiyyatı olub. İndiyədək 95 milyondan çox yazı və 190 milyondan çox bəyənmə qeydə alınıb. Bütün bunlar 24 saatdan az müddətdə baş verib. Threads hazırda App Store-da ən populyar ödənişsiz proqramdır.
Daha çox
Daily
kateqoriyasından
