Suzuki uçan avtomobil sənayesini başladır?
Yaponiyanın texnologiya nəhəngi Suzuki uçan avtomobillərin istehsalı üçün yeni ortaqlıq imzalayıb. "Uçan nəqliyyat vasitələri” Suzuki-nin Şizuoka zavodunda istehsal olunacaq, lakin şirkət SkyDrive-ın mülkiyyətində qalacaq. Avtomobillər hazır olmazdan əvvəl Suzuki həmçinin insan resurslarını təmin etməklə istehsalın baş tutmasına imkan verəcək təməllərin qoyulmasına kömək edəcək. Avtomobillərin istehsalına 2024-cü ildə başlanılması planlaşdırılır.
Valideynlər uşaqlarının kiminlə mesajlaşdığını görəcək, amma…
Meta valideynləri sevindirəcək bir funksiya ilə gəlib. Yeni funksiya ilə valideynlər uşaqlarının kiminlə mesajlaşdığını görə biləcək. Ancaq, mesajın məzmunu valideynlər üçün əlçatan olmayacaq. Həmçinin, valideynlər uşaqlarının Messenger-də nə qədər vaxt keçirdiklərini görə, kontakt siyahılarında və məxfilik parametrlərində dəyişikliklər haqqında yeniliklərdən xəbər tuta biləcəklər. Bununla yanaşı, yeniyetmə başqa bir istifadəçini bloklasa, valideynlər bununla bağlı bildiriş alacaqlar.
Superpowered ilə onlayn görüşlərini yazılı qeydə çevir
Süni intellekt dəstəkli qeyd etmə proqramları istifadəçilərin onlayn görüşlərdə və iclaslarda mövzuları qeyd etməsi üçün nəzərdə tutulub. Superpowered da məhz bunu edir. Superpowered Zoom və Teams kimi platformalarla inteqrasiya edərək onlayn görüşlərdə qeydləri avtomatlaşdırır. Tətbiq hazırda yalnız Mac və Windows dəstəkli cihazlarda istifadə olunur, lakin gələcəkdə mobil və Linux dəstəyi ala biləcəyi bildirilir.
ChatGPT mobil tətbiqi yeniləndi
Bing ChatGPT iOS tətbiqinə inteqrasiya olunub. Məlum olduğu kimi, ChatGPT 2021-dən sonrası haqqında məlumat verə bilmirdi. Bing-in inteqrasiyası sözün əsl mənasında bu problemi həll edir. Beləliklə, indi aktual məlumat əldə etmək mümkündür. Qeyd edək ki, bu funksiya ChatGPT-nin veb-saytında da mövcuddur.
Etirazlar Reddit-dən istifadəni azaldır
İyunun 12-də minlərlə “subreddit”i idarə edən moderatorlar Reddit-in API vasitəsilə verilənlərə daxil olmaq üçün tərtibatçılardan ödəniş tələb etməsinə etiraz etdilər. Bəzi icma moderatorları və istifadəçilərin tənqidi Reddit-də reklam kampaniyası keçirmək istəyənlərin portala ziyarətinin azalması ilə də nəticələnib. 2021-ci ilin avqustunda son maliyyələşdirmə turunda 10 milyard dollar dəyərində qiymətləndirilən şirkət hazırda bazarda rəqabətdə davamlı qala bilmək üçün mübarizə aparır.
"Şifrəmi unutdum" sözü tarixdə qalacaq
Kompüter dünyasında qəbul edilən standart hərf və rəqəmlərdən ibarət parolların aşkarlanması və qırılması artıq çox asan bir prosesə çevrilib. Bununla bağlı, Microsoft tərəfindən vacib bir addım atıldı. “Windows Hello” vasitəsilə qeydiyyat və giriş proseslərində parol yerinə giriş kodları, PİN, barmaq izi və ya üz skan etmə üsullarından istifadə ediləcək. “Windows Hello” ilə parolsuz girişin Windows 11-in stabil versiyasına nə vaxt gələcəyi isə məlum deyil.
Daha çox
Daily
kateqoriyasından
