Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Rəşad Nəbiyev İKT və nəqliyyat sektorlarının inkişafı ilə bağlı görüş keçirib
Rəqəmsal inkişaf və nəqliyyat naziri Rəşad Nəbiyev Dünya Bankının Azərbaycan üzrə yeni təyin olunmuş ölkə meneceri Ştefani Ştalmeyster ilə görüş keçirib. Görüş zamanı ölkəmizdə İKT və nəqliyyat sektorlarının inkişafı, bu sahələrdə Dünya Bankının Azərbaycan hökuməti ilə əməkdaşlığının perspektivlərinə dair fikir mübadiləsi aparılıb.
Meta "Facebook News"u bəzi ölkələrdən siləcək
Şirkətin yeni buraxılmış bloq yazısında "Xəbərlər" tabının bu ilin dekabr ayından Böyük Britaniya, Fransa və Almaniyadan silinəcəyi açıqlanıb. "Xəbərlər" tabının silinməsinin ən böyük səbəblərindən biri tətbiqin xidmət sahəsidir. Bildirilib ki, insanların Facebook-a daxil olmasında məqsəd xəbər və ya siyasi məzmunlu şeylər oxumaq deyil. İstifadəçilərin əsas məqsədi başqa insanlarla tanış olmaq və əlaqə yaratmaqdır.
"Georgian Wings" aviaşirkəti Azərbaycana uçuş həyata keçirib
Rəqəmsal İnkişaf və Nəqliyyat Nazirliyinin təşəbbüsü ilə bu il ərzində Heydər Əliyev Beynəlxalq Aeroportuna uçuşlar həyata keçirən xarici aviaşirkətlərin sırasına “WizzAir Malta”, “Flyadeal”, “Air Cairo” kimi aşağıbüdcəli aviadaşıyıcılar əlavə olunub. Müvafiq xarici aşağıbüdcəli aviaşirkətlərin sayı 16-ya çatıb. Bu gündən etibarən Gürcüstanın "Georgia Wings" aviadaşıyıcısı Heydər Əliyev Beynəlxalq Aeroportuna birbaşa uçuşlara başlayıb.
SpaceX canlı yayımlarını YouTube yerinə X-də edəcək
SpaceX canlı yayımlar üçün YouTube-u tərk edərək tamamilə X-ə keçir. Keçən həftə şirkət Youtube-da canlı yayım proqramlarını dayandırdı. Nəticədə, SpaceX-in YouTube-dan imtina edərək X-ə keçməsi şirkətin media strategiyasında əhəmiyyətli dəyişikliyi ifadə edir. Qeyd edək ki, bu mövzuda SpaceX-dən rəsmi açıqlama gəlməyib.
Xiaomi-nin yeni qatlanan telefonu gəlir
Xiaomi Vivo X Flip-ə rəqib olacaq yeni telefonu üzərində işləyir. Şirkət bu qatlanan telefonu uzun müddətdir ki, inkişaf etdirir. Vivo X Flip, Samsung Galaxy Z Flip5 və oxşar qatlanan telefon modelləri sırasında tezliklə Xiaomi Mix Flip yer alacaq. Lakin telefonun fərqli adla çıxma ehtimalı da var. Bu model Xiaomi-nin ilk şaquli formada qatlanan telefonu olacaq.
Daha çox
Daily
kateqoriyasından
