Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“Samsung” internet brauzeri “Windows” kompüterləri üçün də aktivləşib
Android-də geniş istifadəçi bazasına malik olan Samsung internet brauzeri artıq Windows kompüterləri üçün də mövcuddur. Bildirilib ki, brauzer hazırda çox yaxşı performans göstərmir. Zamanla göndəriləcək performans yeniləmələri ilə təkmilləşdiriləcək brauzer Chromium üzərində qurulub, yəni Google Chrome və Microsoft Edge ilə eyni təmələ sahibdir.
"Discord"dan şad xəbər: 1 ay pulsuz "Midjourney" imkanı!
Son həftələrdə Discord bütün istifadəçilərə Nitro təcrübəsini təmin etmək üçün 2 həftəlik pulsuz Nitro abunəliyi paylamışdı. Son məlumatlara görə, Discord Nitro sahiblərinə 1 aylıq hədiyyə olaraq Midjourney-dən istifadə etmək imkanı təqdim edir. Discord Nitro abunəsi olan və ya onu 28 dekabr 2023-cü ilə qədər almağı planlaşdıran istifadəçilər 1 aylıq pulsuz Midjourney fürsətinə sahib ola bilərlər.
Yeni AI çatbotu olan "Amazon Q" təqdim edildi!
"Amazon Web Services" yeni süni intellekt assistantı kimi xidmət göstərən "Amazon Q" çatbotunu təqdim etdi. Amazon-un yeni süni intellektli çatbotu digər süni intellektlərlə müqayisədə istehlakçılara deyil, müəssisələrə diqqət yetirir. "Amazon Q" süni intellekt çatbotunun qiyməti ayda 40 dollardan başlayır və 1 mart 2024-cü ilə qədər pulsuz sınaq versiyasına malikdir.
"Pixel 8 Pro" ilk AI Core yeniləməsi ilə süni intellekt dəstəyi alır
Pixel 8 Pro AI Core yeniləməsi ilə süni intellekt xüsusiyyətləri əldə edir. AI Core istifadə etdiyiniz digər süni intellekt proqramları kimi deyil. Bu, sadəcə olaraq Pixel telefonunuzda bəzi funksiyaların daha yaxşı işləməsi üçün süni intellektlə dəstəklənən arxa plan xidmətidir. Bu yenilik kameranızı daha ağıllı, Google Assistentinizi daha faydalı etmək və telefonunuzu daha çox fərdiləşdirmək üçün nəzərdə tutulub.
WhatsApp kanalı bağlandıqda xəbərdarlıq bildirişi gələcək
"WhatsApp"ın beta yeniləməsi kanallar üçün nəzərdə tutulan yeni funksiya ilə gəlir. Ekran görüntüsündə gördüyünüz kimi, WhatsApp indi kanalınızı bağlamaq qərarına gəldikdə xəbərdarlıq ekranı göndərməyi planlaşdırır. Bu funksiya mövcud olana qədər qaydaları pozduğunuz müddətcə WhatsApp heç bir əsaslandırma və ya etiraz seçimi təqdim etmədən kanallarınızı bağlamaq hüququna malikdir.
Daha çox
Daily
kateqoriyasından
