Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"TikTok" planşetlər üçün yeniləmə edib
TikTok məzmunun daha böyük ekranlarda rahat istifadəsi üçün yeniliklər təqdim edib. Yenilik ilə birgə ekranın yuxarı və aşağı hissəsində TikTok videolarını gördüyümüz naviqasiya paneli olacaq ki, bu da nişanlara və seçilən videolara daxil olmağı asanlaşdıracaq. Yeniliklər bütün iPad və ya qatlana bilən müxtəlif Android cihazlarda istifadəçilər üçün əlçatan olacaq.
"Google Play Store" istifadəçilərə 700 milyon $ ödəməli ola bilər
Keçdiyimiz sentyabr ayında Amerikanın ştatları "Google"u məhkəməyə vermiş, lakin məsələ ilə bağlı şərtlər açıqlanmamışdı. Bununla belə, Google rəsmi bloqunda məhkəmənin şərtlərini açıqlayıb. Burada ən diqqətçəkən məqam "Google"un 700 milyon dollar ödəməyi qəbul etməsi olub.
Cybertruck-ı qayığa çevirə biləcək rejim təqdim olunacaq
Elon Musk Tesla-nın Cybertruck modelini qayığa çevirə biləcək rejim üzərində çalışdıqlarını açıqlayıb. Musk-ın qeyd etdiyinə görə, Cybertruck qayıq kimi fəaliyyət göstərə bilməsi üçün su keçirməz quruluşa sahib olacaq. Qeyd edilib ki, bu rejim sayəsində Cybertruck-ın 100 metr suda irəliləyə bilməsi təmin olunacaq.
GTA 6 afişasında oyunun xəritəsinin yer aldığı iddia edilib
GTA 6 çıxmazdan əvvəl oyun həvəskarları paylaşılan afişa və fraqmentləri incələməyə başlayıb. Bununla belə, oyunun afişasında GTA 6 xəritəsinin yer aldığı iddia edilib. 2025-ci ildə təqdim olunacaq oyunun xəritəsinin bulanıq da olsa afişada yer aldığı düşünülür.
WhatsApp-dan yeni xüsusiyyət! Söhbət kilidi nədir?
WhatsApp-ın bu yeni xüsusiyyəti sayəsində istədiyiniz hər hansı bir söhbəti əsas ekrandan çıxarıb xüsusi bir bölməyə daşıya biləcəksiniz. İstifadəçilər bu xüsusiyyətdən istifadə etmək üçün barmaq izi və ya üz tanıma xüsusiyyətləri ilə şəxsiyyətlərini təsdiqləməli olacaqlar. Bu xüsusiyyət sayəsində telefonunuz başqalarının əlinə keçsə belə, həmin söhbətlər gizli qalacaq.
Daha çox
Daily
kateqoriyasından
