Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
Ölkəmizdə son 10 ildə 25 milyondan çox IMEI qeydiyyatdan keçirilib
"AzInTelecom"un verdiyi məlumata görə, surəti köçürülən 16 mindən çox IMEI koda “klon” statusu verilərək istifadəsi məhdudlaşdırılıb. Bununla belə, bu IMEI kodlar üzərində 1,5 milyon nömrə şəbəkədə görünüb. Vətəndaşlar mobil telefonların IMEI kodunun surətinin köçürülməsi statusunu yoxlamaq üçün telefonun ekranında *#06# yığaraq cihazın IMEI kodunu öyrənib, daha sonra Vahid Elektron Xidmətlər Portalında (rinn.portal.az) “IMEI yoxlama” xidmətindən ödənişsiz istifadə edə bilər.
"Google" 1,67 milyard dollarlıq patent məsələsini həll edib
"Singular Computing" ilə "Google"un süni intellekt sistemlərinin mühüm komponenti olan mikroçiplərin dizaynı ilə bağlı uzun müddətdir davam edən patent mübahisəsi həll olunmağa başlayıb. Çərşənbə günü "Google" və "Singular"ın vəkilləri yekun razılığa gəlmək üçün 30 gün vaxt istəyib. Müqavilənin şərtləri ictimaiyyətə açıqlanmayıb.
"Spotify" "Apple"ın qəbul etdiyi yeni qərarlarla bağlı narazılığını bildirib
"Spotify" "Apple"ın Rəqəmsal Bazarlar Aktı (DMA) ilə uyğunlaşmağı seçməsindən narazı olduğunu dilə gətirib. Məsələ ilə bağlı ilk narazılıq "Mozilla"dan gəlib. "Spotify" və "Mozilla" bu tənzimləməni ağlabatan hesab etmədiklərini və bunun tərtibatçılara böyük bir yük qoyduğunu vurğulayıblar. Bununla belə, "Apple"ın bu açıqlamalara hələ ki, bir cavabı yoxdur.
"Apple" çoxdan gözlənilən məhsulların istehsalına başlayıb
"Apple" məhsul çeşidini genişləndirməyə və yeniləməyə davam edir. Bu çərçivədə şirkətin yaxın aylarda tədbir keçirəcəyi və orada yeni məhsullar təqdim edəcəyi bildirilib. “Apple” analitiki Mark Qurmanın paylaşdığı məlumata görə, texnologiya nəhəngi mart ayının sonunda keçirilməsi gözlənilən tədbirdə yeni iPad Pro, iPad Air və MacBook Air-i təqdim edəcək.
iOS 18 olduqca böyük bir yeniləmə olacaq
"Apple"ın WWDC24 çərçivəsində təqdim edəcəyi iOS 18 əməliyyat sistemi şirkət tarixindəki ən böyük iOS yeniləmələrindən biri kimi hesab olunur. Bununla belə, "Apple" WWDC24-də böyük dil modeli (LLM) ilə təchiz ediləcək Siri üçün ilk təqdimatı etməyi planlaşdırır. Bildirilib ki, yeni Siri çox daha ağıllı olacaq və insanlarla əvvəlkindən daha təbii ünsiyyət qura biləcək.
Daha çox
Daily
kateqoriyasından
