Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“OpenAI” GPT Store-u hər kəs üçün ödənişsiz edib
OpenAI tərəfindən təşkil edilən ilk developer konfransında ən diqqət çəkən yenilik xüsusi GPT yaratma sistemi olub. Uzun gözləmədən sonra buraxılan həmin sistem sayəsində ödənişli Plus və Enterprise abunəçiləri öz istəklərinə uyğun xüsusi GPT yarada biləcəklər.
“Xiaomi” “Tesla Model Y”ə rəqib avtomobil hazırlayır
Xiaomi SU7 modeli üçün sifarişlər üzərində işləyərkən, yeni bir sızma şirkətin Tesla Model Y modelinə rəqib SUV üzərində işlədiyini ortaya qoyub. Tesla-nın məşhur modeli Model Y ilə birbaşa rəqabət aparacaq elektrik avtomobili ilk dəfə Xiaomi CEO-su Lei Jun-un 2021-ci ildə elektrikli avtomobillər haqqında çıxışında bəhsi keçmişdi.
iPhone 15-də mövcud olan xüsusiyyət iPad-lərə gəlir!
Yeni iPad Air və iPad Pro modelləri köhnə iPad-lərdə olmayan və iPhone 15 modelləri ilə həyatımıza daxil olan yeni batareya sağlamlığı seçimləri təklif edir. Yeni iPad-lərdə siz Parametrlər > Batareya bölməsinə daxil olaraq batareyanın vəziyyəti və maksimum tutum kimi bir çox məlumatlara daxil ola bilərsiniz.
“TikTok” axtarış səhifəsinə yeni AI funksiyası gətirir
TikTok axtarış səhifəsində yeni süni intellekt funksiyasını sınaqdan keçirir. TikTok-da hər hansı bir şey axtardığınız zaman AI nəticələri bölməsi səhifənin yuxarısında görünəcək. TikTok-un bu süni intellekt aləti üçün ChatGPT-dən dəstək aldığı bildirilir.
iPhone-lara yeni xüsusiyyətlər gəlir
Daha əvvəl qeyd etdiyimiz kimi, Apple Avropa Birliyinin təzyiqi ilə iPhone-larda xarici proqramların quraşdırılmasını təmin etməli idi. Bununle belə, artıq iPhone istifadəçiləri App Store-dan istifadə etmədən proqramları tərtibatçıların saytından birbaşa yükləyə biləcəklər.
Daha çox
Daily
kateqoriyasından
