Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
"Nokia" markalı telefonlar artıq satışda olmayacaq
“Nokia” markalı telefonlar uzun müddətdir ki, "HMD Global" tərəfindən buraxılır. Ancaq son xəbərlər bu vəziyyətin tezliklə dəyişəcəyini göstərir. Keçdiyimiz günlərdə yeni bir video paylaşan şirkət bundan sonra "Nokia" markasından istifadə etməyəcəyini açıqlayıb. Şirkətin təqdim edəcəyi telefonlar artıq “HMD” loqosuna sahib olacaq.
E-Polis mobil tətbiqi istifadəyə verilib
Daxili İşlər Nazirliyinin (DİN) E-Polis mobil tətbiqi istifadəyə verilib. Tətbiq vasitəsilə məhkumluq, nəqliyyat vasitəsinin zədələnməsi, axtarışda olması və yüklü olması, icbari sığorta və vətəndaşın olduğu yer üzrə arayışlar üçün müraciətlər etmək və onları rəqəmsal formada əldə etmək mümkündür. Həmçinin proqram vasitəsi ilə borcla bağlı ölkədən çıxışa STOP qoyulmasını, işğaldan azad edilən ərazilərə buraxılış icazəsinin mövcudluğunu da yoxlamaq olar. Qeyd edək ki, E-Polis mobil tətbiqi artıq “Play Store” mobil mağazasında öz yerini alıb.
İnsanabənzər robot "Tesla Optimus" üçün yeni video paylaşılıb
Bu video birbaşa Elon Musk tərəfindən paylaşılıb. Robotun inkişaf prosesində hər dəfə yerimə sürəti biraz daha artır. Bununla belə, robotun gəzdiyi yol əgər enişli-yoxuşlu deyilsə, düz yolda yeriməkdə o qədər də çətinlik yaşamır.
"Peugeot" avtomobillərinə ChatGPT əlavə edəcəyini açıqlayıb
"Volkswagen"dən sonra "Peugeot" da ChatGPT-ni avtomobillərinə əlavə edəcəyini açıqlayıb. Bununla bağlı paylaşılan məlumatda bildirilib: "Məhsuldar süni intellekt modeli olan ChatGPT "Peugeot i-Cockpit"ə inteqrasiya olunub. Süni intellekt "OK Peugeot" səs köməkçisi vasitəsilə hər cür mövzuda saysız-hesabsız sual və istəklərə cavab verə bilən əsl tərəfdaşa çevrilir".
"Samsung Galaxy Fit3"ün dizaynı və xüsusiyyətləri ortaya çıxıb
Yeni "Galaxy Fit3" modeli əvvəlki modeldən fərqli olaraq ekranı 12,3 mm daha böyükdür. 40 mm ekran ölçüsünə sahib cihaz daha zərif görünüşə malikdir və istifadəsi daha asan hala gətirilib. Yeni cihazın korpusunda polikarbonat əvəzinə alüminiumdan istifadə edildiyi də diqqət çəkib. Yeni "Galaxy Fit3"ə əvvəlki versiyada olmayan işıq sensoru kimi bir sıra yeni xüsusiyyətlər də əlavə olunub.
"Young Lions Azərbaycan" sponsorlarını təqdim edib!
Bu il keçiriləcək "Young Lions Azərbaycan"ın tərəfdaşları arasında "Yaradıcı", "Mədəniyyət Nazirliyi", "SOCAR Polymer", "Code Academy" və "Birbank" yer alıb. "Young Lions Azərbaycan" tərəfindən verilən məlumatda bildirilib:
"Builki tədbirimizin keçirilməsində rolu olan tərəfdaşlarımıza təşəkkür edirik. Onlar sayəsində Azərbaycanın yaradıcı gəncləri öz istedadlarını beynəlxalq səhnədə göstərmək şansı qazanacaqlar".
Daha çox
Daily
kateqoriyasından
