WhatsApp”ın 23.12.0.71 iOS beta versiyasını və 2.23.13.4 Android beta versiyasını quraşdıran bəzi istifadəçilər videomesaj özəlliyini test etməyə başlayıblar.
“WhatsApp”da mesajları hər gün mətn və ya səs olaraq göndəririk. Bu aydındır. Bəs videomesaj? Bu funksiya vasitəsilə istifadəçilər 60 saniyəyədək videomesajlar yarada biləcəklər, yəni mesajı canlı formada deyib, göndərə biləcəklər. Yeni funksiya ilə video dairə formasında digər istifadəçiyə ötürülür.
“WhatsApp”ın bu yeni funksiyasında mühüm bir detal var. Göndərilən videomesajlar telefonda video kimi yaddaşda qalmayacaq. Başqa sözlə, videomesajlar səsli mesajlar kimi anidir və mediaya düşmür. İstifadəçi sadəcə “söhbət” yerinə daxil olur, daha sonra audio yazmağa imkan verən düyməyə toxunur. Səsyazma işarəsi kamera işarəsinə dəyişən kimi istifadəçi kamera işarəsini sıxıb saxlayır və kameraya ürək sözlərini deyir. Bitirdikdə düymədən barmağı çəkmək kifayət edir ki, videomesaj avtomatik göndərilsin.
Daha çox
Texnologiya
kateqoriyasından
