Yaradıcılıq, texnologiya və startap sahələri üzrə gündəmdə olan xəbərləri buradan izləyə bilərsiniz. Bu günün xəbərləri ilə qarşınızdayıq, xoş oxumalar!
“GMT Esports” təşkilatının nəzdində yaradılan “GMT Arena”nın açılışı olub
Yanvarın 12-də Azərbaycan Elektron İdman Növləri Federasiyasının dəstəyi ilə “GMT Esports” təşkilatının nəzdində yaradılan “GMT Arena”nın açılışı olub. Açılışda gənclər və idman naziri Fərid Qayıbov, nazir müavini Mariana Vasileva iştirak ediblər. Nazir arenaya baxış zamanı elektron idman növlərinin fəaliyyəti, gələcək planlar barədə mütəxəssislərlə fikir mübadiləsi aparıb və müvafiq tövsiyələr verib. Qeyd olunub ki, zalın açılışında əsas məqsəd elektron idman növünün inkişafı və gənclərin asudə vaxtının səmərəli keçirilməsini təmin etməkdir.
"RoboCode" robotik kodlama düşərgəsinə start verilir!
.jpeg)
"ASAN Xidmət” "RoboCode" robotik kodlama düşərgəsinə başlayır. Əsas məqsəd avtonom sistemlərə, robototexnika və avtomatlaşdırma texnologiyalarına çıxışı asanlaşdırmaq, bu sahədə ixtisaslaşaraq karyera qurmaq istəyən gəncləri qısa müddətdə əhəmiyyətli vasitə olan “ROS” ekosisteminə aid bilik və bacarıqlarla təmin etməkdir. Düşərgədə “C++”, “Python” proqramlaşdırma və “Linux” biliklərinə başlanğıc səviyyədə malik olan 18-30 yaş arası gənclər iştirak edə bilərlər. Müraciət üçün son tarix: 31 yanvar 2024. Qeydiyyat üçün link: https://forms.gle/qAWmissA45danEJj6
Sorğu xüsusiyyəti "WhatsApp" kanallarına gəlir
"WhatsApp"ın sorğu funksiyası tezliklə kanallar üçün əlçatan olacaq. Xüsusiyyət son zamanlar Android üçün "WhatsApp"ın beta versiyasında görülüb. Qeyd edək ki, sorğuları paylaşmaq üçün kanalın sahibi olmalısınız. Xüsusiyyət hazırda məhdud sayda istifadəçi üçün əlçatan olsa da, tezliklə hamı üçün aktivləşəcək.
"WearOS" saatlarını Bluetooth siçana çevirən "WowMouse" cihazı təqdim olunub
WearOS saatlarını Bluetooth siçana çevirən "WowMouse" CES 2024 sərgisində təqdim olunub. Bu cihaz həssas sensorlardan kömək alır və beləliklə kursorun əl-qol ilə idarə olunmasını təmin edir. Qeyd edək ki, məhsulu planşet və ya kompüterlər üçün istifadə etmək mümkündür.
"X"in DM bölməsinə yeni bir xüsusiyyət gəlir
"X" tezliklə istifadəçilərinə DM-dən video yükləmə funksiyasını təqdim etməyə hazırlaşır. Bu funksiya hazırda Android beta versiyasında mövcuddur. Yeni funksiya istifadəçilərə “X”dən videoları birbaşa öz cihazlarına endirməyə imkan verir. Bu xüsusiyyət sayəsində istifadəçilər videoları oflayn izləmək və ya paylaşmaq imkanına sahib olacaqlar.
Daha çox
Daily
kateqoriyasından
