penAI-nin dəyəri 80 milyard dolları ötüb!
Qiyməti 80 milyard dolları keçən "OpenAI" dünyanın ən dəyərli 3-cü texnologiya şirkəti olub.
Qısa müddət ərzində texnologiya dünyasının ən əhəmiyyətli şirkətlərindən birinə çevrilən "OpenAI" böyüməyə davam edir. "New York Times"in xəbərinə görə, "OpenAI" öz dəyərini 80 milyard dollardan çox artırıb.
Hesabatda yer alan məlumata görə, şirkət mövcud səhmlərini "Thrive Capital"ın rəhbərlik etdiyi tender vasitəsilə satışa çıxaracaq.
Keçən həftə OpenAI həmçinin mətndən yüksək keyfiyyətli videolar yaratmağa imkan verən Sora-nı təqdim etdi. Bu alət istifadəçinin əmrlərini anlayaraq mürəkkəb səhnələr yarada və hətta personajların emosional ifadələrini əks etdirə bilir.
Sora mətn təlimatları əsasında videolar yaratmaqla yanaşı, mövcud kadrlardan video hazırlamaq və çatışmayan kadrları doldurmaq imkanına da malikdir. Bu inkişaf süni intellektin videolar yaratmaq qabiliyyətində əhəmiyyətli irəliləyiş kimi diqqəti çəkir. Sora ilə bütün diqqətləri üzərinə çəkən OpenAI gələcəkdə öz dəyərini sürətlə artırsa, təəccüblü olmaz.
Daha çox
Texnologiya
kateqoriyasından
