"Instagram" Reels videolarına baxarkən dil problemi olanları sevindirəcək bir funksiya üzərində işləyir. Yeni funksiya videolardakı mətn və səsləri avtomatik tərcümə edə biləcək.
Dekabr ayında "TikTok"u keçərək dünyanın ən çox yüklənən tətbiqi olmağı bacaran "Instagram" artan populyarlığının ən böyük mənbəyi olan qısa video xüsusiyyəti Reels-ə yeniliklər əlavə etməyə davam edir. Yeni ortaya çıxan xəbərlərə görə, üzrində işlənən yeni funksiya Reels videolarını başa düşməyənlər üçün faydalı olacaq.
Yeni xüsusiyyət haqqında paylaşım edən Alessandro Paluzzi olub. Müvafiq olaraq, şirkət videolardakı mətnlərə və səslərə avtomatik tərcümə gətirə bilər.
Paylaşılan ekran görüntüsünə baxdığımızda Reels videoları üçün tərcümə xüsusiyyətinin gələcəyini görə bilərik. Burada ən diqqət çəkən tərəfi odur ki, avtomatik tərcümələr təkcə videolardakı mətnlərə deyil, həm də səslərə də gələcək.
"Tərcümə edilmiş mətni və audionu başqa dildə uyğun çarxlı videolarda göstərin"
Xüsusiyyət haqqında dəqiq təfərrüatlar olmasa da, səsli tərcümələrin süni intellektlə dəstəklənən dublyaj ola biləcəyi irəli sürülüb. Yeni funksiya hazırda inkişaf mərhələsindədir. Onun nə vaxt çıxacağı ilə bağlı dəqiq məlumat isə hələ ki, verilməyib.
Daha çox
Texnologiya
kateqoriyasından
